 Versyen menira tu ke pemadu tebilang, enggau enam taris, diberi kelala keterubah kali maya taun 1979 | |
| Menira temegah ati LGBTQ | |
| Use | Bekaul enggau komuniti LGBTQ |
|---|---|
| Adopted | 1978 |
| Design | Menira betaris, ke suah iya enam taris (ari atas ke baruh): mirah, banda, kuning, gadung, biru, enggau violet. |
| Designed by | Gilbert Baker |
Menira endaraja taukamenira temegah ati (sebedau tumenira temegah ati orang gay) nyadilambang temegah ati LGBTQ enggau gerak sosial LGBTQ. Chura nya ngayanka penyelai komuniti LGBTQ enggau spektrum seksualiti enggau gender mensia. Ngena menira endaraja nyadika lambang temegah ati LGBTQ berengkah di San Francisco, California, tang pengujung iya nyadi utai ke suah nyadi ba pengawa hak LGBTQ di serata dunya.
Asal iya diperambu bala artis Gilbert Baker, Lynn Segerblom, James McNamara enggau aktivis bukai,[1][2][3][4] langkar tu ngasaika beberapa kali pengubah sepengudah iya keterubah iya dipansutka dalam taun 1978, lalu terus meri inspirasyen ngagai variasyen. Taja pan menira endaraja asal Baker bisi lapan chura,[5][6] ari taun 1979 nyentuk ke sehari tu varian ti pemadu suah bisi enam belang: mirah, banda, kuning, gadung, biru, enggau violet. Menira tu suah dipandangka enggau chara datar, enggau taris mirah ba atas, baka ke deka nyadi baendaraja asal.
Orang enggau bakih LGBTQ diatu ngena menira endaraja enggau mayuh barang enggau skim chura ti betema endaraja nyadika lambang luar identiti tauka sukung sida. Bisi derivasyen ari menira endaraja ti dikena meri perati ngagai kebuah tauka raban ti spesifik dalam komuniti (chunto orang transgender, ngelaban epidemik AIDS, nyengkaum orang LGBTQ ari raban bansa bukai). Kelimpah ari endaraja, mayuh menira enggaulambang bukai dikena ngenataika identiti ti spesifik dalam komuniti LGBTQ.
