According to the CIA, estimates for this country explicitly take into account the effects of mortality because of AIDS; this can result in lower life expectancy, higher infant mortality and death rates, lower population and growth rates, and changes in the distribution of population by age and sex, than would otherwise be expected.[11]
Kenya, tauka nama rasmi iyaRepublik Kenya, nya sebengkah menua ti bepalan ba Afrika Timur. Enggau penyampau tubuh ti dipelabaka lebih ari 52.4 juta naka tengan taun 2024,[12] Kenya nyadi menua ke-27 pemadu mayuh mensia di dunya enggau ke-7 pemadu mayuh mensia di Afrika. Indu nengeri enggau nengeri pemadu besai Kenya iya nya Nairobi. Nengeri kedua pemadu besai sereta tuai iya nyaMombasa, sebengkah nengeri penyangkai kapal besai ti bepalan ba Pulau Mombasa. Mengeri besai bukai dalam menua tu nyengkaum Kisumu, Nakuru enggau Eldoret. Enti nitihka atur jam, Kenya bekunsi garis entara menua enggau Sudan Selatan ba barat laut (taja pan mayuh ari garis entara menua nya nyengkaum Segitiga Ilemi ti diperebutka),Etiopia ba utara, Somalia ba sepiak timur,Tasik Hindi ba tenggara, Tanzania ba barat daya, enggau Danau Victoria enggau Uganda ba piak barat.
Geografi, gaya hari enggau penyampau tubuh ba Kenya mayuh macham. Ba kandang menua lembak barat, rampa menua nyengkaum tuchung bukit ti chelap sereta dibungkur seleju (baka Batian, Nelion, enggau Point Lenana ba Gunung Kenya) enggau kampung ti besai, jelu siga, sereta kandang endur betanam betupi ngelingi ti subur ba gaya hari ti angat. Ba endur bukai, bisi iklim kering, rangkai, enggau setengah rangkai, sereta padang pasir ti tetap (baka Padang Pasir Chalbi enggau Padang Pasir Nyiri).
Orang ke dulu diau ba Kenya nyengkaum sekeda mensia keterubah ti berevolusyen ari kaban aki ini ari genus Homo. Bukti fosil ti chukup ungkup sejarah evolusyen tu udah ditemu ba Koobi Fora. Udah nya, Kenya diuan orang ke ngasu sereta ngumpul sebaka enggau bansa Hadza kemaya hari tu.[13][14] Nitihka timpuh arkeologi ari artifak enggau kereban rangkah ti bekaul, orang ti bejaku Kushitik keterubah iya ngentapka diri ba tanah rendah kandang menua nya entara taun 3,200 enggau 1,300 SK, siti renggat ti dikelala enggau nama Neolitik Pastoral Savanna Tanah Rendah. Bala pengibun jelu ke bejaku Nilotik (aki ini orang ke bejaku Nilotik Kenya) berengkah mindah ari Sudan Selatan kemaya hari tu ngagai Kenya urung taun 500 SK.[15] Bansa Bantu ngentapka diri ba tebing tasik enggau menua pesisir entara taun 250 SK enggau 500 AD.[16]
Temu enggau Eropah berengkah dalam taun 1500 AD lebuh jemah Empayar Portugis, lalu pengawa kolonisasyen Kenya ti efektif berengkah dalam abad ke-19 maya orang Eropah mansik Afrika. Kenya kemaya hari tu pansut ari sebengkah menua ti dijaga, ti ditumbuhka Empayar British dalam taun 1895 lalu udah nya Koloni Kenya, ti berengkah dalam taun 1920. Mombasa nyadi indu nengeri Protektorat Afrika Timur British,[17] ti nyengkaum tebal agi menua ti diatu dikumbai Kenya enggau barat daya Somalia, ari taun 1889 nyentuk ngagai taun 1907. Mayuh laya garis entara menua nyadi entara UK enggau koloni nya ngujungka revolusyen Mau Mau, ti berengkah dalam taun 1952, enggau deklarasyen Kenya meredeka dalam taun 1963. Pengudah meredeka, Kenya mengkang nyadi kaban Menua Komanwel. Konstitusyen menua ke diatu udah diterima dalam taun 2010, nganti konstitusyen 1963 ke dulu suba.
Kenya nyadi sebengkah republik demokratik pengari bepresiden, ke alai pemesai ke dipilih ngarika rayat lalu presiden nyadi tuai menua enggau perintah.[18] Menua tu nyadi kabanGerempung Bansa Beserakup, Komanwel, Bank Dunya, Tabung Wang Antarabansa, Gerempung Dagang Dunya, COMESA, Kort Jenayah Antarabansa, sereta mega sekeda gerempung entarabansa bukai. Iya mega nyadi bakih besai ukai NATOAmerika Serikat.
Ekonomi Kenya pemadu besai di Afrika Timur enggau Tengah, enggau Nairobi nyadi hab komersial kandang menua ke besai.[19] Enggau Penatai Pemisi Kasar Menua $2,110,[20] menua tu ekonomi penatai pemisi baruh-tengah. Pengawa betanam betupi nyadi sektor ekonomi pemadu besai di menua tu; teh enggau kupi nyadi utai tanam tunai tradisional sektor nya, lalu bungai segar nyadi eksport ti jampat mansang. Industri servis, kelebih agi dagang temuai, mega nyadi siti ari pemansut ekonomi besai menua tu. Kenya nyadi kaban blok dagang Komuniti Afrika Timur,[21][22] taja pan sekeda gerempung dagang entarabansa ngatur iya nyadi sebagi ari Tanduk Besai Afrika.[23] Afrika nyadi makit eksport pemadu besai Kenya, lalu ditangkan Serakup Eropah.[24]
↑1.01.1Constitution (2009) Art. 7 [National, official and other languages] "(1) The national language of the Republic is Swahili. (2) The official languages of the Republic are Swahili and English. (3) The State shall–-–- (a) promote and protect the diversity of language of the people of Kenya; and (b) promote the development and use of indigenous languages, Kenyan Sign language, Braille and other communication formats and technologies accessible to persons with disabilities."
.svg)
.svg)
