Bup Pemungkal (dalamJaku GerikaΓένεσις,Génesis;Hebrew Bup Kudus:בְּרֵאשִׁית,rumi: Bərēʾšīṯ,lit. 'Ba pun iya kelia';Latin:Liber Genesis) nya bup keterubah dalamBup Kudus Hebrew seretaSempekat Lama Kristian.[1] Nama dalam jaku Hebrew iya sama enggau leka jaku keterubah iya,bereshit ('ba pun iya kelia'). Bup Pemungkal madahkajerita pengaga dunya, sejarah keterubah mensia, sereta asal orang Judah.[2] DalamPengarap Judah, pemesai reti teologi dalam bup Pemungkal bepalan ba sempekat ti ngaulAllah Taala enggau nembiak Iya ti dipilih Iya sereta bansa nya ngagaiMenua ti Udah Disemaya.
Bup Pemungkal nyadi bagi ariTorah tauka Pentateuk, lima bup keterubah dalam Bup Kudus. Jerita lama madahkaMoses nyadi pengarang Torah. Taja pia, bisi penemu bala pakar madahka Bup Pemungkal ditulis beberapa abad udah nya, pengudahpenangkap Babilon, engka ba kurun kelima S.K.[3] Bepelasarka interpretasyen saintifik ari bukti arkeologi, genetik, enggau linguistik, bala pakar bup kudus arus perdana ngumbai bup Pemungkal nya keterubah iya mitologi ukaisejarah.
Bup tu dibagi ngagai dua sitak, sejarah asal pengaga dunya (bab 1–11) enggau sejarah tiris (bab 12–50).[4] Sejarah asal pengaga dunya madahka konsep pengarah pasal tukuh petara enggau kaul mensia enggau pengaga iya: Allah Taala ngaga dunya ti manah sereta patut ke mensia, tang lebuh mensia ngerusak iya ngena dosa, Allah Taala mutuska deka ngerusak utai ti ditempa Iya, semina ngelepaska Noah ti lurus enggau sida sebilik ngambika ulih nempa baru kaul entara mensia enggau Allah Taala.[5]
Sejarah tiris (bab 12–50) madahka sejarah asalbansa Israel, bansa ti dipilih Tuhan.[6] Nengah perintah Tuhan, tiris Noah iya nyaAbraham belelang ari endur ada iya (diterang enggau Ur Chaldea lalu ti ngelala iya enggauUr Sumeria nya tentatif dalam pakar moden) ngagai tanah ti diberi Tuhan iya nyaKanaan, ke alai iya nyadi orang kampar, pia mega anak iyaIsak enggau uchu iyaJakop. Nama Jakop diubah ngagai "Israel", lalu nengah anak iyaJosep, anak-anak Israel nurun ngagai Ejip, kesemua 70 orang dalam sebilik sida, lalu Petara besemaya deka meri sida pemesai jemah ila. Pemungkal tembu lebuh Israel di menua Ejip, sedia ke penatai Moses enggauPemansut. Naratif tu dipeda enggau siri sempekat enggau Allah Taala, beturut-turut sempit dalam skop ari semua bansa (sempekat enggau Noah) ngagai kaul ti spesyel enggau siti bansa aja (Abraham enggau peturun iya nengah Isak enggau Jakop).[7]
