Albert Einstein (14 Mac 1879 – 18 April 1955) iya nya siku pakar fizik teori ke ada di menua Jereman ke tebilang ketegal ti udah ngemansangka teori relativiti. Einstein mega bisi meri bantu ti beguna ngagai teori kuantum. Formula penyemaka pampi–energi iyaE =mc2, ti nyadi ari relativiti speseyl, udah dikumbai "penyama ti pemadu tebilang di dunya". Iya nerima Perais Nobel dalam Fizik ungkup "pengawa iya ngagai fizik beteori, kelebih agi penemu ukum empas fotoelektrik iya".
Diada ba Empayar Jereman, Einstein pindah ke Switzerland dalam taun 1895, ninggalka peranak menua Jereman iya (nyadi rayat Perintah Württemberg) ba taun ke nangkanka nya. Dalam taun 1897, maya umur iya tujuh belas taun, iya ngambi program diploma ngajar matematik enggau fizik ba sekula politeknik perintah besai Switzerland ba Zurich, nembuka pelajar dalam taun 1900. Iya bulih peranak menua Switzerland setaun udah nya, ti disimpan iya sepemanjai umur iya, lalu udah nya bulih penuduk tetap Opis Patent di Switzerland. Dalam taun 1905, iya nganjung disertasyen PhD ti mujur ngagai Universiti Zurich. Dalam taun 1914, iya pindah ke Berlin ngambika nyeretai Akademi Sains Prussia enggau Universiti Humboldt Berlin, nyadi pengarah Institut Fizik Kaiser Wilhelm dalam taun 1917; iya mega nyadi peranak menua Jereman baru, sekali tu nyadi rayat Perintah Prussia. Dalam taun 1933, lebuh Einstein benung nemuai ngagai Amerika Serikat, Adolf Hitler megai kuasa di Jereman. Ketegal ti balat takut enggau pengawa Nazi ti merinsaka bala kaban iya ke bansa Judah, iya mutuska deka mengkang diau di AS, lalu diberi peranak menua Amerika dalam taun 1940. SebedauPerang Dunya Kedua, iya ngemendarka surat ngagai Presiden Franklin D. Roosevelt ti ngelalau iya pasal program pansik Jereman ti bepotensial lalu ngelalau iya AS ngepunka pansik ke sebaka.
Dalam taun 1905, kekadang dikumbaiannus mirabilis (taun ajih) iya, iya mansutka empat iti keretas kereja ti baru.[4] Dalam keretas-keretas nya, iya ngerintaika teori empas fotoelektrik, nerangka kebut Brownian, meri kelala teori spesyel iya pasal relativiti, lalu mandangka enti teori spesyel nya betul, pampi enggau energi sebaka enggau pangan diri. Dalam taun 1915, iya merambu teori relativiti ti ngerembaika sistem mekanik iya ngambika ulih ngemasukkagraviti. Siti keretas kereja kosmologi ti dipansutka iya ba taun ke nangkanka nya mantaika implikasyen relativiti am ungkup model struktur enggau evolusyendunya raya sechara selampur. Dalam taun 1917, Einstein nulis keretas kereja ti meri kelala konsep pemansut spontan enggau pemansut bestimulasyen, ke penudi iya nya mekanisme teras di belakang laser enggau maser, lalu ti ngundan trove penerang ti deka meri penguntung ngagai pemansang dalam fizik kuantum enggau elektrodinamik dudi hari.[5]
Ba bagi tengah-tengah pengawa iya, Einstein meri bantu ti beguna ngagai mekanik statistik enggau teori kuantum. Kelebih agi utai ke tampak iya nya pengawa iya pasal fizik kuantum radiasyen, ke alai penampak bisi partikel, ke udah nya dikumbai foton. Enggau pakar fizik Satyendra Nath Bose, iya nempa pelasar statistik Bose-Einstein. Ba mayuh renggat kepenudi pengidup akademik iya, Einstein gawa ba dua iti pengawa ti pengujung iya enda mujur. Keterubah, iya mantaika penemu ngelaban teori kuantum ti mai pelasar seneka ngagai gambar sains pasal dunya, mantah madahka "Petara enda main dadu".[6] Kedua, iya nguji merambu teori kelang ti disepadu enggau chara generalisasyen teori geometri graviti iya ngambika nyengkaum elektromagnetisme. Ketegal nya, iya majak jauh ari fizik moden arus terubah.
- ↑1.01.11.21.3Penyalat nyebut: Tag
<ref> tidak sah; tiada teks disediakan bagi rujukan yang bernamaGEcitizen
