Iste pagina documenta unpolitica official de Wikipedia in interlingua.
Lo que es monstrate hic deberea sempre esser sequite per tote le communitate. Non modifica iste politica arbitrarimente, mapropone cambiamentos e cercaconsenso.
Wikipedia es un encyclopedia, que incorpora elementos de encyclopedias general, encyclopedias specialisate ealmanaches. Necun articulo debe includerinvestigationes original. Tote le articulos debe haberexactitude verificabile: le material sin referentias poterea esser eliminate; ergo, per favor da referentias a publicationes recognoscite. Wikipedia non es un sito pro emitter opiniones, experientias o argumentos. Wikipedia non es censurate. Wikipedia non es un collection indiscriminate de information e datos. Wikipedia non es un sito pro facer publicitate e autopromotion, ni un experimento deanarchia odemocratia, ni un adressario web. Illo non es un periodico o un fonte de documentos; iste sorta de contento debe esser contribuite al altereprojectos de Wikimedia.
Wikipedia ha un puncto de vista neutral, isto significa que on non debe cercar solmente un puncto de vista. Pro facer isto, a vices il es necessari representar varie punctos de vista, presentante cata un con exactitude, dante un contexto pro cata puncto de vista, e non presentante alcun puncto de vista como "le veritate" o "le melior puncto de vista". Isto significa que on debe citar fontes verificabile, specialmente supertopicos polemic. Quando un conflicto super le neutralitate occurre, illo debe esser discutite in lepagina de discussion del articulo usque le conflicto sia resolvite.
Wikipedia es contento libere que omnes pote rediger. Tote le texto es disponibile sub le licentiaCreative CommonsBY-SA 4.0 e pote esser distribuite o ligate appropriatemente. Il es recognoscite que le articulos pote esser modificate per quicunque, e necuno pote controlar articulos specific. Per iste ration, qualcunque contribution pote esser modificate e redistribuite per le communitate. Non infringe le derectos de autor e non contribue materiales con un licentia incompatibile conCreative CommonsBY-SA 4.0.
Wikipedia non ha regulas firme foras del cinque principios presentate hic.Sia valente quando tu modifica articulos. Ben que nos cerca facer lo le melior possibile, le perfection non es necessari. Non preoccupa te si tu committe un error. Tote le versiones del articulos es conservate in lehistoria del articulo; ergo, il non es possibile que tu damnifica accidentalmente Wikipedia, o que tu destrue contento irremediabilemente. Rememora: toto lo que tu scribe hic essera conservate pro le posteritate.
