Il ha duo pilares basic del methodo scientific. Le prime de illos es lereproducibilitate, in altere parolas, le capacitate de repeter un determinate experimento in qualcunque loco e per qualcunque persona. Iste pilar emplea pro su practica, essentialmente, le communication e le publicitate del resultatos obtenite.
Le secunde pilar es lefalsificabilitate (refutabilitate). In altere parolas, que cata proposition scientific debe haber le possibilitate de esser falsificate (refutato). Isto implica que on pote designar experimentos que in le caso de dar resultatos differente al predicite negarea lehypothese que on verifica.
In le actualitate le resultatos delrecerca scientific es publicate inrevistas scientific specialisate post criticas o commentarios de altere expertos, correctiones ab le autores e etiam verification del experimentos per altere equipas de recerca. Al mesme tempore, il comencia a esser usual que on los publica in le rete (Internet) al mesme tempore que in le revistas scientific.
Le methodo scientific se adapta de manieras differente secundo le scientia. Ingeologia historic on non pote facer experimentos perque le processo es plus longe que le vita del recercator, le objecto pote esser plus grande que qualcunque laboratorio, e le processos passate es irrepetibile in conditiones identic. In loco de facer experimentos se face experientia in leprincipios basic, que permitte comparationes con factos actual e experimentabile.
