Methodismo es un currenteprotestantechristian con origines in leEcclesia de Anglaterra delseculo 18. Illo ha hodie verso 75 milliones de membros mundial. Le majoritate de ecclesias e congregationes methodista es assemblate in le Consilio Methodista Mundial.
Metropolitan United Church, inToronto,Canada, esseva popularmente cognite como le «cathedral del methodismo» in leseculo 19, quando on considerava Toronto como le «Roma methodista».Collegio Theologic Piula al insula de Upolu,Samoa.
Le fundatores del methodismo sonJohn Wesley eGeorge Whitefield, qui in le secunde medietate del seculo 18 tentava reformar le Ecclesia de Anglaterra per un retorno a principiosbiblic, popularisate per le predication a celo aberte e le propagation dehymnos devotional. Lor culto e doctrinas – como le necessitate de un «nove nascentia» pro lesalute, lejustification per fide, le action continue delSpirito Sancte a presso de credentes – lor valeva un reputation pro fanatismo. Methodistas se separava del Ecclesia de Anglaterra post le morte de Wesley in 1791. Multe prestres anglican quittava le Statos Unite durante leRevolution american, e credentes methodista se ordinava pro reimplaciar les. Methodismo cognosce desde su origines un diversitate interne considerabile, con un liturgia plus o minus elaborate, theologias variante (lecalvinismo de Whitefield al latere delarminianismo de Wesley) e un structuraepiscopal o congregational.
InGalles e regiones industrial deAnglaterra, methodismo vehiculava sovente un opposition subalterne al orthodoxiaanglican patronisate per le elite social; methodismo, radicalismo politic e activitatesyndical se associava sovente in leseculo 19.[1] In leCanada anglophone, methodistas ganiava un ascendentia local, e torontonianos multo influente como le familias Eaton, Massey e Ryerson patronisava activemente le ecclesia methodista. Lor moralismo stricte se incarnava insabbatarianismo,temperantia,evangelismo del populos aboriginal de Canada e activismo pro lederectos de feminas.
Il ha forte ecclesias methodista in leStatos Unite (verso 14 milliones[2]),Canada (le methodistas esseva un componente importante del actual Ecclesia Unite de Canada, con 2 500 000 adherentes, formate anque perpresbyterianos econgregationalistas),Corea,Africa del Sud (1 980 000 personas[3]),Australia (ubi le Ecclesia Unificator de Australia ha 1 135 427 membros[4]), leRegno Unite (760 000[5]) e lePhilippinas (ubi le Ecclesia Unite de Christo in le Philippinas ha verso 500 000 membros). Il ha grande concentrations de Methodistas inTonga (75%, sia 70 901 personas[3]), leInsulas Virgine Britannic (45%, sia 6 016 personas[2]),Fiji (37%, sia 293 203 personas[6]),Anguilla (33%, sia 3 559 personas[7]), le InsulasTurks e Caicos (18.9%, sia 2 765 personas[3]) eSamoa (15%,[8] sia 26 850 personas). In plure paises deOceania, ecclesias methodista son un forte instrumento unificator pro le population indigena, e pote mesmo incarna le hegemonia de elites indigena (como inFiji o inTonga).
Dotate de un importante traditionarminian intheologia epacifista inpolitica, methodismo ha devenite un currente protestante assatis liberal. Le importantia futur del methodismonord-american es incerte durante que multe methodistas quitta iste confession pro ecclesias «non-denominational» de orientationfundamentalista, o ben ecclesiaspentecostal.[9] Methodismoeuropee, nord-american eaustralasian perde anque membros qui se considera in plus grande numeros como secular, o spiritual ma non religiose.
