Francoforte super le Meno[1] (anque:Francoforte sur Main o simplementeFrancoforte; ingermano:Frankfurt am Main) es leurbe le plus grande in le statoHesse inGermania, e le quinte in Germania integre. Le urbe es situate al ripa dextere del fluvioMeno o Main e ha circa 670 000 habitantes (le agglomeration ha quasi 2 milliones). Leblason de Francoforte es unaquila blanc super un fundo rubie.
Le citate es le centro financiari principal de Germania: leBundesbank e lebursa german es situate ibi, assi como leBanca Central Europee, rendente Francoforte tanto prominente comoLondon in le financias deEuropa. Francoforte ha etiam unaeroporto importante. Le urbe es cognoscite como le del expositiones, specialmente a causa delBuchmesse, le exposition annual del casas editorial. Un deljornales autoritative de Germania, leFrankfurter Allgemeine Zeitung, ha su sede hic.
Un characteristica de Francoforte rar in Europa es le aspecto urban moderne dominate pergrattacelos, supernominante loMainhattan. Specialmente le officios central del grandebancas (Commerzbank, Dresdner Bank e Deutsche Bank) e del Federation German deFootball salta al oculo.
Francoforte es hodie unmetropole 'juvene', grande e moderne, e es decime in le lista decitates mundial.
Francoforte esseva inter1816 e1866 le sede delBundestag. In1848 le prime parlamento german se assemblava in leEcclesia de Paulo.Prussia incorporava in1866 Francoforte. In leSecunde Guerra Mundial, Francoforte suffreva bombardamentos grave. Le citate esseva proponite post le guerra, a causa de su historia e de su location central, como capital deGermania del West, sed finalmenteBonn recipeva ille honor. Francoforte se satisfaceva ergo de devenir le capital economic del Germania postbellic, e lo remane usque hodie.
↑Derivation (in ordine alphabetic):(ca) Frankfurt del Main ||(de) Frankfurt am Main ||(en) Frankfurt ||(es) Fráncfort del Meno ||(fr) Francfort-sur-le-Main ||(it) Francoforte sul Meno ||(pt) Frankfurt am Main ||(ro) Frankfurt pe Main||(ru) Франкфурт-на-Майне
.jpg)
