Lechaus[1],catto/lynce del paludes[2],catto del jungla[3] ocatto del cannas[4] (Felis chaus) es unfelino commun inAsia que se trova generalmente in areas abundante in aqua e que non time natar.
Le chaus es un catto svelte que sta alte sur le patas. Le cauda es relativemente curte. Le aures es punctute, coperte a detra de maculettas blanc, e ha un micre flocco. A causa de iste flocco, le catto del paludes se appella a viceslynce del paludes, ben que illo non es affin allynces.
Le pelle es unicolor; le color specific differe per individuo e per population. Le colores le plus commun es brun de sablo, gris jalnastre, brun rubiastre e brun grisastre. Le cauda es anellate e sur le patas etiam se extende lineas obscur. Le juvenes exhibi lineas clar que dispare con le passar del tempore.
Le chaus attinge 50 a 94 centimetros de longitude e 4 a 9 kilogrammas de peso. Le cauda ha 23 a 31 centimetros de longitude. Existe exemplares dicite de pesar usque a 13 kilogrammas. Le masculos deveni multo plus grande que le feminas.
Le chaus vivesolitari, excepte in le periodo reproductive. Le masculo adjuta al cura del juvenes, le quales nasce post un gestation de circa 66 dies. Le catta parturi inter 2 e 5 juvenes per portata e los allacta durante 2 menses. Le juvenes es independente al 5 menses e attinge le maturitate sexual al 18 menses de etate. Illos pote attinger le 14 annos de etate.
Ben que appellatecatto del jungla in alcun linguas[3], le catto del paludes non vive proxime al jungla. Illo habita principalmente areas ric in aqua con vegetation dense, comopaludes,junchieras e altere areas con ripas o costas de abundante vegetation. Le ambiente in que iste aquas se trova non es importante; le chaus se trova in desertos assi como in forestes humide. Illos etiam habita areas agricole, plantationes de arbores e areas circumferente stagnos artificial. Le chaus non time humanos e se aventura frequentemente in le proximitate de stabilimentos. In leHimalaya, chauses ha essite vidite usque al 2400 metros de altitude, in leCaucaso usque a 1000 metros.
.jpg)
