| Բնակավայր | ||
|---|---|---|
| Ռահիմ Յար Խան | ||
 | ||
| Երկիր |  Պակիստան | |
| Համայնք | Rahim Yar Khan Tehsil? | |
| Մակերես | 45 կմ² | |
| ԲԾՄ | 81 մետր | |
| Բնակչություն | 420 419 մարդ (2017) | |
| Ժամային գոտի | PKT? | |
| Հեռախոսային կոդ | 068 | |
| ||
Ռահիմ Յար Խան (Ուրդու` رحیم یار خان), քաղաքՓենջաբում,Պակիստան։ Այն Պակիստանի 16-րդ ամենաբնակեցված քաղաքն է և Ռահիմ Յար Խանի շրջանի մայրաքաղաքն է: Քաղաքի վարչակազմը բաժանված է ինը միութենական խորհուրդների[1]:
Ռահիմ Յար Խանը վերջին 5000 տարվա ընթացքում մի քանի անգամ վերանվանվել է: Ամենավաղ գրանցված անվանումը եղել է Արոր (AROR) կամ Ալոր (ALOR), այնուհետև այն դարձել է Պատան (Pattan), Փուլ Վադա (Phul Wada), Նոշերա (Noshehra) և այժմ Ռահիմ Յար Խան քաղաքը: Պատան Մինարայի հնագույն աշտարակը կանգնած է քաղաքի կենտրոնից 13 կմ դեպի հարավ։ Օմայադները Մուհամմադ Բին Քասիմի գլխավորությամբ նվաճեցին Արոր, Ուչ ևՄուլտան քաղաքները Սինդը գրավելուց հետո[2]։
Ռահիմ Յար Խանի շրջանը Մուղալների կայսրության Մուլթան նահանգի մի մասն էր[3]։ 1881 թվականին Բահավալփուրի Նավաբը քաղաքին տվել է իր ներկայիս անունը՝ այն անվանելով իր առաջին որդու և թագաժառանգ Ռահիմ Յար Խանի անունով:
Ռահիմ Յար Խանը 1943 թվականից ունի առանձին շրջանի կարգավիճակ։ Թաղամասն իր անվանումը ստացել է իր գլխավոր գրասենյակից՝ Ռահիմ Յար Խան քաղաքից, որը մինչև 1881 թվականը հայտնի էր «Նաուշեհրա» անունով։ Նովշերա քաղաքի հետ նույն անվանումով շփոթությունից խուսափելու համարԲահավալպուրի կառավարիչ Նավաբ Սադիկ Խան IV-ը այն վերանվանեց իր առաջին որդու՝ Ռահիմ Յար Խանի (1877–1881) անունով[4]։
Քաղաքի բնակչությունը կազմում է 517000 մարդ 2023 թվականի մարդահամարի տվյալներով։
Շեյխ Զայեդ միջազգային օդանավակայանը գտնվում է Ռահիմ Յար Խանում։ Այն սպասարկում է քաղաքի բնակիչներին ներքին և միջազգային թռիչքներով[5]։ Այս օդանավակայանից ամեն օր թռիչքներ կան դեպի Կարաչի, շաբաթական երկու անգամ դեպի Լահոր և շաբաթը մեկ անգամ դեպի Իսլամաբադ:
Ռահիմ Յար Խանը երկաթուղով կապված է երկրի մնացած մասի հետ։ Ռահիմ Յար Խան երկաթուղային կայարանը Պակիստանի երկաթուղիների հիմնական կայարանն է Կարաչի-Փեշավար երկաթուղային գծի վրա:
