Պրեդիկատ (լատին․՝ praedicatum - ստորոգյալ), դատողության տրամաբանական ստորոգյալը (կամ, երբեմն՝ նախադասության լեզվաբանական ստորոգյալը), որն արտահայտում է այն, ինչ ասվում է սուբյեկտի մասին։ Օրինակ,«Դվինը Հին Հայաստանի մայրաքաղաքներից է» դատողության պրեդիկատը «ՀինՀայաստանի մայրաքաղաքներից է» արտահայտությունն է, իսկ «2<3» դատողության պրեդիկատը` «<» (մաթեմատիկական գրելաձևը «x<y»)։
Մաթեմատիկական տրամաբանության շրջանակներում պրեդիկատը սովորաբար հասկացվում է որպես տվյալ առարկայական տիրույթից վերցված կամայական առարկային որևէ տրամաբանական արժեք վերագրող ֆունկցիա։ Օրինակ` «x-ը Հին Հայաստանի մայրաքաղաքներից է» դատողության մեջ պրեդիկատը հասկացվում է որպես ֆունկցիա, որը որոշ, քաղաքների (Դվին,Անի,Արտաշատ) առնչությամբ ճշմարիտ է, իսկ մյուս քաղաքների (Մանազկերտ,Լենինգրադ,Աթենք) առնչությամբ՝ կեղծ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկվածՀայկական սովետական հանրագիտարանից (հ․ 9, էջ 424)։ |
