Չանդլեր (անգլ.՝Chandler), քաղաքԱՄՆ-իԱրիզոնա նահանգիՄարիկոպա շրջանում:Ֆինիքս-Մեսա-Չանդլեր մետրոպոլային վիճակագրական տարածքի բաղկացուցիչ մասն է: Զբաղեցնում է 169,77 քառակուսի կիլոմետր տարածք[2]: Բնակչության թվաքանակով նահանգում զբաղեցնում է չորրորդ տեղը՝ զիջելով միայնՄեսային,Թուսոնին ևՖինիքսին: 2020 թվականին անցկացվածմարդահամարի տվյալներով այնտեղ ապրում էր 275.987 մարդ[2][2][2] (2010 թվականի ցուցանիշը եղել է 236.123)[3]:
Բնակավայրը կոչվել էկանադացիանասնաբույժ Ալեքսանդր Ջոն Չանդլերի պատվին, ով եղել է կենդանիների առաջին վիրաբույժը Արիզոնայում, ընդարձակ ագարակներ է ունեցել այս տարածքում: Քաղաքային գրասենյակը պաշտոնապես բացվել է 1912 թվականի մայիսի 16-ին:
Չանդլերը ԱՄՆ-ի ամենաարագ զարգացող քաղաքներից մեկն է: Տեխնիկական և առևտրային հաբ (commercial and tech hub) է հանդիսանում մի շարք հանրահայտ ընկերությունների համար, որոնց թվում ենIntel-ը,Northrop Grumman-ը,Wells Fargo-ն,PayPal-ը,Boeing-ը:
Քաղաքն առաջին հերթին ճանաչված է Intel-ով , որն այստեղ իր գործունեությունն սկսել է 1980 թվականին՝ բացելով իր առաջին արտադրական ձեռնարկությունը։ Այսօր այն, անկասկած, քաղաքի ամենախոշոր գործատուն է։ 2020 թվականին 7 միլիարդ դոլարի ներդրումը հանգեցրեց աշխարհի ամենաժամանակակից արտադրական օբյեկտի ստեղծմանը[7]: Խոշոր գործատուներից մեկն էլ ուղղաթիռներ արտադրող RotorWay International ընկերության Stellar Airpark մասնաճյուղն է: