Մաջոնգ, պասյանս սեղանի խաղ է մեկ անձի համար, որն իր կառույցով ևխաղի օրենքներով նման է խաղաքարտերովպասյանսին։ Այն խաղում են Մաջոնգի՝ ասիական մոլախաղի մի շարք խաղային քարտերով կամ խաղանիշերով։ Այս պասյանսը պետք է զանազանել Մաջոնգ ասիական մոլախաղից։ Համակարգչային խաղերում[1] ընդգրկվում է հենց այս տարբերակը, այլ ոչ թե մոլախաղը։ Ավելին, որոշ տարբերակները օգտագործում են պատահական իրերի կերպարներ Մաջոնգ քարտերի կամ խաղանիշերի փոխարեն՝ վերցնելով միայն դրանց անունները։
Պասյանսը հորինել է Բրոդի Լոքարդը՝ իրականացնելով այն 1981 թ. PLATOհամակարգչային ուսուցման ծրագրում։ Ինքը Լոքարդը ասել է, որ նա միայն փոփոխել է չինական մանկական խաղը։ Activision ընկերությունը վարձել էր Լոքարդին, և 1986 թվականին նա հորինել էր Շանհայ խաղը, որը շատ արագ դարձել էր հանրաճանաչ։ Այդ ժամանակից ի վեր հայտնվել են այս խաղի մի շարքհամակարգչային տարբերակներ։
