Naš wikisłownik so wot dotalnych słownikarskich projektow sylnje rozeznawa:

kompletny paradigma: Na rozdźěl wot ćišćanych słownikow, hdźež dyrbi so z městnom lutować, podawa naš słownik wšitke formy dateho słowa

dźělenje słowow

wurjekowanje

wujasnjenja k wužiwanju

synonymy (słowa z někak samsnym woznamom)

hyponymy (słowa ze specielnišim woznamom)

hyperonymy (słowa z powšitkownišim woznamom)

kollokacije: Tu so namakaja wotkazy na rěčne wobroty, metaforiske wurazy, prajidma a přisłowa.

přikłady z literatury: Tu namakaće za kóžde słowo wotkaz na wotpowědne hesło.

přełožki do wšěch móžnych rěčow.

Naš zaměr je, serbski słowoskład tak šěroko kaž móžno registrować, tak zo budu w nim tež słowa, kiž hišće njejsu nihdźe registrowane. Planowane je tež pytansku funkciju integrować, kiž wužiwarjej dowoli, wopak pisane słowo namakać.

Citaty z literatury so jenožprawopisnje adaptuja, morfologiske wosebitosće so wobchowaja.

Kak so potajkim wikisłownik wotWikipedije rozeznawa? Wonej so idealnje wudospołnjatej: We wikipediji namakaš encyklopediske artikle wo někajkej wěcy abo wosobje, něšto, štož njesłuša do słownika; na druhim boku pak njenamakaš informaciju wo gramatice abo ortografiji (wothladajo wot toho, zo so wuraz nadźijomnje korektnje piše a wužiwa). W tajkich padach, hdyž wužiwar prawdźepodobnje skerje wěcownu informaciju pyta hač gramatisku (na př.Budyšin aboJakub Bart-Ćišinski), wotkazuje wikisłownik na Wikipediju. Runje tak ma Wikipedija móžnosć, na wikisłownik wotkazować. W idealnym padźe budźe raz tak, zo kóžde słowo w kóždym artiklu Wikipedije na wotpowědne hesło we wikisłowniku wotkazuje, tak zo dyrbi wužiwar wikipedije jenož na njeznate słowo kliknyć, zo by něšto wo nim zhonił.