Wolfsburg jeněmskewulkoměsto wDelnjej Sakskej. Ze 125.000 wobydlerjemi pjate najwjetše delnjosakske město bu haklě w lěće1938 załožene jako sydło zawodaVolkswagen a nadeńdźe so na wuchodźe zwjazkoweho kraja, něhdźe 75 kilometrow wuchodnjeHannovera a 65 kilometrow sewjerozapadnjeDźěwina. Přez město wjedźeSrjedźokrajny kanal.
Wolfsburg je jedne z mało nowozałoženych němskich městow w prěnjej połojcy 20. lětstotka a rěkaše hač do apryla 1945Stadt des KdF-Wagens bei Fallersleben. Po wójnje dósta swoje dźensniše mjeno po hrodźeWolfsburg. Město bě koncipowane jako bydlišćo za dźěłaćerjow Volkswagena a měješe w lěće 1972 k prěnjemu razej wjace hač 100.000 wobydlerjow. W lěće 2010 bě BIP na hłowu najwyši w cyłej Němskej.
Nimo Volkswagena je Wolfsburg nadregionalnje znaty jako stejišćo koparskeho towarstwaVfL Wolfsburg.
