Město je so po ruskim wobsadźenju Krima w lěće1783 na městnje staršeho tatarskeho sydlišća załožiło a leži w juhozapadźe połkupy při kromje Krimowych horin. Sewastopol je domjacy přistaw a hłowne zepěranišćo ruskeje Čornomórskeje floty a hač do lěta 2014 tež ukrainskeje mariny.
Wot měrca 2014 słuša město de facto jako federalny subjekt kRuskej, po mjezynarodnym prawje je dale dźělUkrainy. Ruske zarjadnistwo na połkupje njeje mjezynarodnje připóznate.
