Předłoha:Infokašćik kupa/wothladanje/wobraz falujeRujany (težRana,[1]němsceRügen) su najwjetša kupaNěmskeje. Wone leža před pomorskim pobrjohomBaltiskeho morja a słušeja kMecklenburgsko-Předpomorskej. „Wrota“ k Rujanam jehanseatiske městoStralsund. Kupa, přez Rügendamm a Strelasundbrücke nad 2 km šěrokiStrelasund z twjerdźu zwjazana, ma maksimalnu dołhosć wot 52 km (wot juha do sewjera), maksimalnu šěrokosć wot 41 km w juhu a přestrjeń wot 926 km². Cyłkowna dołhosć pobrjoha Rujan je 574 km. Jeje postawa je přez mnoholičbne mórskezaliwy ale tež wustupnepołkupy akrajne jazyki jara sylnje rozčłonkowana.
Kupa Rujany tworješe hač do 3. septembra 2011 hromadźe zkupu Hiddensee a někotrymi mjeńšimi kupami zarjadnisce krajnywokrjes Rujany z wokrjesnej stolicuBergen auf Rügen. Wot 4. septembra 2011 su Rujany dźělwokrjesa Předpomorska-Rujany z wokrjesnej stolicuStralsund.
Dalše wuznamne městna na Rujanach su Sassnitz, Putbus a Garz/Rügen, kaž tež baltiskomórske kupjeleBinz,Sellin,Göhren,Baabe aThiessow. Rujany so dla jich wšelakorych rjanosćow krajiny a dołhich, drobnopěskojtych kupanskich brjohow wot wjele dowolnikow wopytuja.
- ↑Filip Jakubaš:Hornjoserbsko-němski słownik. Domowina, Budyšin 1954, str. 294.
_03.JPG)
