Jan Just (němsceJohannes Just; *7. apryla1869 wNowej Jaseńcy, †1. awgusta1922 wKulowje) běserbski katolski farar a kulturny prócowar.
Narodźi so jako syn Nowojasčanskeho žiwnosćerja a wopytowaše 1881/82 Tachantsku šulu a 1883/84Katolski wučerski seminar wBudyšinje. Wot 1884 do 1893 bě chowancSerbskeho seminara wPraze, hdźež wopytowaše hač do lěta 1890 němskorěčny Małostronski gymnazij a studowaše potom hač do lěta 1893 katolsku teologiju. Po nawróće do Łužicy bě najprjedy katechet a tachantski wikar w Budyšinje a wot 1894 do 1908 kapłan wChrósćicach. W lěće 1908 přewza farske městno wRalbicach, hdźež hač do swojeje smjerće w starobje jenož 53 lět skutkowaše.
Jako Chróšćanski kapłan skutkowaše sobu we wjesnych towarstwach. Spisa hrěWowka aSwjata Cita a dopisowaše doKatolskeho Posoła. Jako student wozjewješe ludowědne přinoški wKwětkachSerbowki. Wot 1891 bě z čłonomMaćicy Serbskeje.