Los Angeles (jiskeL.A. bhi bola jaae hae), United States of America ke California state ke south me ekcity hae. Ii city ke abaadi 3,847,400 hae lekin 18 million log L.A. region me rahe hae. L.A., USA ke,New York ke baad, duusra sab se barraa city, Carlifornia ke sab se barraa city hae.
Los Angeles ke naamSpanish bhasa se aais hae aur iske matlab "the Angels" hae. Iske original naam "El Pueblo de Nuestra Señora la Reina de los Ángeles de Porciuncula" (English me, "town of our lady the Queen of Angels of the little Portion") rahaa. Los Angeles ke 1781 me suruu karaa gais rahaa jab ki California,Spain ke niche rahaa. 4 April 1850 ke California, USA ke state banaa. Los Angeles me 1932 aur 1984 meOlympic Games bhaes rahaa.
Los Angeles ke puura milae ke area 498.3 square miles hae, jisme se 469.1 square miles jamiin aur 29.2 square miles paani hae. Ii city 44 mile lambaa aur 29 mile churraa hae. City ke perimeter 342 mile hae. Ii United States ke aisan city jiske biich me se ek pahaarr jaawe hae me se sab se barraa hae.
Los Angesles ke sab se uunch jagha Sister Elsie Peak hae.[1] Ii San Fernando Valley ke north east me hae, aur ismke sab se uuncha jagha 5080 feet hae. Los Angeles duuna samthar aur pahaarri hae. Los Angeles ke pahaar waala jagha Santa Monica hills jon ki city centre ke north me hae, uu jagha jon ki Silver Lake ke laage hae,L.A. ke puura eastern hissa, Crenshaw area, San Pedro area, aur San Fernando Valley. Ii city ke khaas naddiLos Angeles River hae, jon kiCanoga Park se suruu hoe hae. Ii naddi ke duuno karar me cimit lagaa hae aur ii bahe ke bagal keVernonse hoe kePacific Ocean me jaae ke nikle hae.
.jpg)
