Internal combustion engine, ek engine hae jismeiidhan (fuel), engine ke bhittar jaraawa jaae hae, jaise ki motar ke engine. Ii external combustion engine ke opposite hae, jisme iidhan ke engine ke bahaar jaraawa jaae hae, jaise kisteam engine.
Pahila internal combustion engine ke Etienne Lenoir, 1860 me banais rahaa,[1] lekin aaj-kal ke engine ke Nicolaus Otto 1876 me banais rahaa. Ii rakam ke engine me iidhan ke jaraae ke kaarancylinder ke bhittar pressure jaada hoe jaae hae. Ii pressure ek piston, jon ek wheel se ek crank se jurraa hae, ke dhakele hae. Iske kaaran wheel gola ghume lage hae aur duusra wheel jon ii wheel me jurraa hae, bhi ghuume lage hae. Dher rakam ke internal combustion engine rahe hae, jaise ki ek piston waala engine, inline engine, flat engine, v engine, VR engine, w engine.
1874 me Robert Street ek internal combustion engine ke patent karis, jon liquid fuel ke kaam me laawat rahaa. John Stevens pahilaAmerican internal combustion engine banais rahaa. 1807 me French engineers ek prototype internal combustion engine banae rahin aur ismeNapolean Bonaparte patent diis rahaa. Ii engine se ek boat keFrance ke Saone Naddi me chalaawa gais rahaa.[2][3] Wahii saal me Swiss engineer Francois Isaac de Rivaz, ekhydrogen based internal combustion engine banais rahaa. 1808 me de Rivaz pahile motar banais jon ki internal combustion engine se powered rahaa.[4]
