Sîn-pet-sṳ heThòi-vân pet-phu ke yit-ke sṳ, chhai Thòi-vân tó-song chui pet-tôn, he ngìn-khiéu chui-tô ke hàng-chṳn-khî, fàn-tînThòi-pet-sṳ, tûng-pet lìn-sa heKî-lùng-sṳ, tûng-nàm chiap-sôngNgì-làn-yen, sî-nàm lìnThò-yèn-yen. Muk-chhièn ngìn-su chhêu-ko 350-van. Pún-sṳ fàn-lauThòi-pet-sṳ si-chû khi̍pKî-lùng-sṳ sâm-mien, sâm-chá khiung-thùng hìn-sàngThòi-pet tû-fi khî, su̍k-yî khiung-thùng sên-fa̍t khiên-é, pin yáng-hióng to lìm-khiun keThò-yèn-yen khi̍pNgì-làn-yen. Pún-yen su̍k-yî ngie̍t-tai kui-fûng hi-heu khî, chhiòn-ngièn yí-liòng tô yì phìn-kiûn, ngie̍t phìn-kiûn chui-tâi vûn he yit-ngie̍t fun ke ngiap-sṳ 12.4 thu, ngie̍t phìn-kiûn chui-kô vûn he chhit-ngie̍t fun ke ngiap-sṳ 33.6 thu.

貓熊一般分安到熊貓、大熊貓或者大貓熊，係一種野生嘅哺乳動物。其撈熊同貓仔一樣都係食肉目嘅。雖然講科學家當多將其分至熊科下背去，猶有人試著其毋係熊嘅一種。貓熊嘅身體肥固固，頭圓滾滾仔，尾當短，身體面頂烏撈白兩種顏色分當清楚，身體同尾係白色，耳、目睭、手腳撈肩頭都係烏色嘅，肚底有嘅係棕色，有嘅係烏色。貓熊嘅身體一般有120至180公分該樣長，尾差毋多有10至20公分恁長，膴身大體有60至150公斤恁重。一般來講雄性嘅比雌性嘅大頭一滴仔。貓熊原旦係生活在暗摸摸仔嘅竹林裏肚，故所目睭毋好使，毋過其在暗晡嘅時節一樣遽板。