Ta'n ennym "Saum y Vochilley" currit er Saum 23 dy mennick.
'Sy23-ooSaum (Earrooaghey Greagagh:Saum 22) 'syVible Ewish/Çhenn Chonaant, ta'n screeuder (Davy) jannoo cur sheese erJee myr e vochilley. Myr y bochilley, nee eh coadaghey, cour, as stiurey shin. My vel shin ayns gaue dy noid troshtagh, nee eh coadaghey shin; my vel shin ayns gaue dy ghonney, nee eh cour dhooin lesh bee dy liooar; t'eh stiurey shin dys buill raad dy vel shin sauçhey, raad dy vel ymmodee dy vioys. Va'n teks, er ooashlaghey ecny h-Ewnyn asny Creestee gollrish y cheilley, currit rish kiaull dy mennick.
She’n Çhiarn my vochilley : shen-y-fa cha beem feme nhee erbee.
Nee eh faassaghey mee ayns pastyr glass : as my leeideil magh rish ny h-ushtaghyn dy ooraghey.
Nee eh m’annym y hyndaa : as my choyrt lesh magh ayns ny cassanyn dy chairys er graih e Ennym.
Dy jarroo, ga dy vel mee shooyl ayns coan scadoo yn vaaish, cha goym aggle roish olk erbee : son ta uss marym : ta dty lhatt as dty lorg dy my gherjaghey.
Nee oo boayrd y yannoo aarloo roym ayns yn enish ocysn ta er my heaghney : t’ou er ooilaghey my chione, as bee my chappan lane.
Agh eiyree dty chenjallys ghraihagh as dty vyghin orrym ooilley laaghyn my yea : as neem’s thaaghey thie’n Çhiarn choud as veem bio.
Ta tooilley mean ayns Wikimedia Commons bentyn rish:Saum 23.
Yn Lioar Manninagh,An Historical Sketch of the Manx Language, with an account of the sources from which a knowledge of it can be acquired., A. W. Moore, 1887
