Talus ny bioag 'syreeriaghtPlantae (nyMetaphyta). Ta lossreeyn goaill stiagh organeyn bioag mie er enney, myrbiljyn,faiyr,biljyn feeyney,rennee,keynnee asalgey glass, chammah's y possan marroo Nematophyta, foddee. T'ad credjal dy vel mys 350 000 dooie lossreeyn ayn ec y traa t'ayn, as enney er 287 655 jeu ayns 2004. Lossreeyn glassey, t'ad feddyn bree jehsoilshey ny greiney son y chooid smoo liorishco-haaghey sollysh.
RenAristotle rheynn organeyn bio ayns lossreeyn (adsyn nagh vel gleashaghey) as beiyn (adsyn ta gleashaghey, son y chooid smoo). Ayns corysLinnaeus, haink adsyn y ve ny reeriaghtynVegetabilia (Plantae nyMetaphyta nish) asAnimalia (nyMetazoa). Ta feanish ain nish dy row ymmodee possanyn ayns Plantae nagh lhisagh ve ayn; cha nel mooinjerys eddyr oc as ny lossreeyn elley. Myr shen, t'ad er scughey nyfungyssyn as shiartanse dyalgaghyn dys reeriaghtyn elley. Ny yei shen, ta sleih cur ad marish ny lossreeyn ny keayrtyn, ayns ymmyd cadjin ny oaylleeagh.
Traa t'ad curPlanta nylossreeyn er possan er lheh, foddee eh çheet er tree eieyn. Veih sloo dys smoo, shoh adsyn:
Lossreeyn thallooin, nyEmbryophyta nyMetaphyta. T'adsyn nylossreeyn rere'n eie smoo cadjin, as lossreeyn mie er enney ayns y phossan shoh.
Lossreeyn glassey - nyViridiplantae,Viridiphyta nyChlorobionta. Ta'n phossan shoh goaill stiagh ny lossreeyn thallooin, chammah's nyChlorophyta (algey glass) asCharophyta . Ta'n art shoh bentyn rish ychlade shoh son y chooid smoo.
Ny keayrtyn, t'ad curlus er bioagyn elley ta co-haaghey sollysh, agh cha nel adsyn nyn veer phossan, as cha nel mooinjerys faggys eddyr oc as feer lossreeyn.
