Foddee cummey bree erbee goll er çhyndaa dys cummey elley. Mannagh vel eh bree çhermagh, foddee eh çhyndaa er fondid mie, ny eer lane fondid. Bentyn rish bree çhermagh, tanah leigh çhiass-niartallaght lhiettal y fondid. Myr sampleyr, tra taooill aawoalley marishocsygien, ta bree cummyssagh goll er seyrey, er y fa dy vel kianglaghyn kemmigagh noa çheet rish 'sy troaryn as adsyn ny smoo shassooagh na ny v'ayns yn ocsygien as ooill. Foddee oo jannoo lectraght jeh'n vree seyrey er fondid mie liorish cooilleeney yn aawoalley aynskillag conney. Er y laue elley, foddee oo jannoo bree çhermagh jeh liorish lostey yn ooill. Agh liorish shen, ta kuse jeh'n bree çhermagh goll er "leodaghey", as cha nel eh ry-gheddyn da obbyr elley ec yn un çhiassid; myr shen, t'eh ayn ayns cummey nagh nod oo çhyndaa dys cummey elley. Ny yei shen, foddee oo jannoo cummaghyn bree elley jeh'n vree çhermagh t'er mayrn. Ayns dagh obbyr çhyndaa bree, ta'n lane vooadys bree neuchaghlaaee. Hug ad roish y reill shoh leah 'sy 19oo eash. T'eh bentyn rishcorys scarrit erbee. Rereçhoarym Noether, ta freayltys bree ny eiyrtys nagh vel leighyn fishigagh caghlaa rish y traa.[2]
Ga nagh vel ard-sym bree ayns corys ennagh caghlaa rish y traa, ta'n feeu echey croghey ercrauelagh cooilleeinee. Myr sampleyr, cha nel bree gleashiddagh erbee ec troailtagh ny hoie ayns eltan bentyn rish yn etlan; agh bentyn rish y thalloo, ta bree gleashiddagh echey, as myr shen, ard-sym bree ny smoo.
