ChatGPT be one generative artificial intelligence chatbot wey OpenAI make, dem launch am for 2022. E dey base on GPT-4o, wey be large language model (LLM). ChatGPT fit generate human-like talk, den e dey help users shape de convo go de wey dem wan—whether e be length, format, style, detail level, anaa language.[1]
Dem dey talk say ChatGPT make AI boom quick, wey e make people invest plus pay attention to artificial intelligence (AI) more.[2] But sam people dey worry say ChatGPT den programs like am fi take human intelligence ein place, make plagiarism easy, anaa spread misinformation sef.[3][4]
ChatGPT dey build on OpenAI ein special generative pre-trained transformer (GPT) models, wey dem fine-tune am for chat purposes. Dem use supervised learning plus reinforcement learning from human feedback take train am.[5]
As you dey chat, e dey take previous prompts den replies as context.[6] ChatGPT first cam as free research preview, buh secof e be popular, OpenAI now dey run am under freemium model. People wey dey use de free version fi access GPT-4o, buh de "Plus," "Pro," "Team," den "Enterprise" subscriptions get extra features like DALL-E 3 image generation, stronger AI models, plus higher usage limit.[7]
References
↑Roumeliotis, Konstantinos I.; Tselikas, Nikolaos D. (2023).
