Accra (/əˈkrɑː/; Twi:Nkran; Dagbani:Ankara; Ga:Ga anaaGaga) be de capital den largest city forGhana, de location dey southern coast wey dey de Gulf of Guinea, part of Atlantic Ocean.[1][2] De 2021 census talk say Accra Metropolitan District be 20.4 km2 (7.9 sq mi) wey ein population be 284,124, dema largest Greater Accra Region be 3,245 km2 (1,253 sq mi) wey dem get 5,455,692 people.[3] Accra be location where vibe dey, sake of how bunch squad dey komot from different locations.
Dem derive de wordAccra from de Akan wordNkran wey dey mean "ants", reference to de numerous anthills wey dey de countryside around Accra.[4] De name specifically dey refer tosoldier ants, wey de Twi speakers carry give both de town den the people.[5][6]
De administration for Accra dey occur for two levels. Strategic initiatives, lyk de urban transportation project, dem coordinate between district authorities,[9] while local government authorities carry out local administration, wey be responsible give most local services, lyk local planning, local roads den refuse collection wey dey within dema area of jurisdiction.
De Accra Metropolitan District be one of de 13 local government districts wey dey contain de historic center den de primary central business district (CBD) for Accra. Make dem promote efficiency for de administrative machinery wey dem san so meet de ever-pressing demands give amenities den essential services, dem divide de district go de Ashiedu Keteke, Okaikoi South, den Ablekuma South sub-metropolitan districts.[10]
DeAblekuma South sub-metropolitan district dey cover area of 6 km2 (2.3 sq mi) wey de Ablekuma Central den Ablekuma North Municipal Assemblies, den de Ashiedu Keteke sub-metropolitan district border am.[11] Edey include 5 electoral areas: Korle Gonno, Korlebu, Chorkor, Mamprobi, den New Mamprobi.
Communities wey dey deOkaikoi South sub-metropolitan district dey include Darkuman, New Fadama, Kaneshie, Bubiashie, den Avenor.[12] De sub-metro get 8 electoral areas namely Awudome, Goten, Kaatsean, Mukose, Bubuashie, Bubui, Avenor den Kaneshie.
DeAshiedu Keteke sub-metropolitan district dey cover de Central Business District (CBD) wey ebe de hub for major commercial activities wey dey de Metropolis insyd. Major markets dey include Makola, Agbogbloshie, den Kwasiodwaso. 8 electoral areas dey namely Ngleshie, Mudor, Kinka, Nmlitsagonno, Amamomo, Korle Wonkon, den Korle Dudor.[13]
Ledzekuku Municipal District
De Ledzekuku Municipal District, plus ein administrative capital for Teshie, dey cover area dem estimate for 31.3 km2 (12.1 sq mi).[3]
Krowor Municipal District
Dem carve de Krowor Municipal District out of de Ledzokuku-Krowor Municipal District for 2018 insyd. Ein administrative capital be Nungua.[14]
La Dadekotopon Municipal District
De La Dadekotopon Municipal District, plus ein administrative capital for La, dem carve am out of de Accra Metropolitan District for 2012 insyd.[15] De Kotoka International Airport, Airport City, Accra Mall, den de US Embassy dey locate de district insyd, wey dey cover area of 32 km2 (12 sq mi).[3] Oda communities wey dey dis district insyd dey include Cantonments, Labone, den Burma Camp.
Ablekuma North Municipal District
Dem carve de Ablekuma North Municipal District out of de Accra Metropolitan District for 2018 insyd plus administrative capital for Darkuman Kokompe.[16]
Ablekuma Central Municipal District
De Ablekuma Central Municipal District dey cover total land area of 8.8 km2 (3.4 sq mi).[3] Ein administrative capital be Lartebiokorshie.
Ablekuma West Municipal District
Dem carve de Ablekuma West Municipal District out of de Accra Metropolitan District for 2018 insyd wey ein administrative capital be Dansoman.[17]
Ayawaso East Municipal District
Dem carve de Ablekuma East Municipal District out of de Accra Metropolitan District for 2018 insyd wey ein administrative capital be Nima.
Ayawaso North Municipal District
Dem carve de Ayawaso North Municipal District out of de Accra Metropolitan District for 2018 insyd wey ein administrative capital be Accra Newtown.[18]
Ayawaso Central Municipal District
Dem carve de Ayawaso Central Municipal District out of de Accra Metropolitan District wey ein administrative capital be Kokomlemle.[19]
Ayawaso West Municipal District
Dem carve de Ayawaso West Municipal District out of de Accra Metropolitan District wey ein administrative capital be Dzorwulu.
Okaikwei North Municipal District
Korley Kottey Municipal District
Dem carve de Korley Klottey Municipal District out of de Accra Metropolitan District for 2019 insyd wey edey cover area of 10 km2 (3.9 sq mi).[3] Some communities wey de district insyd dey include Osu, Ringway Estates, Asylum Down, North Ridge, West Ridge, Ministries, Gold Coast City, North Adabraka, den Tudu. Dem get 9 electoral areas namely Osu Doku, Ringway Estates, Kinkawe, Osu Alata, Asylum Down, North Adabraka, Tudu, Odorna/Sahara, den Official Town.
De Ring Road, dey extend from de Korle Lagoon insyd de west, north to Kwame Nkrumah Circle, dey follow east to de juncture of Independence Avenue, wey dey continue to Osu, dey form ring around de oldest districts of Accra, den dey separate central Accra from de outlying suburbs.
Central Accra dey include de CBD, wich dey consist of de historic districts of Usshertown, Tudu, Victoriaborg, West Ridge, den East Ridge, as well as de historic residential districts of Jamestown, Adabraka, Asylum Down, North Ridge den Christiansborg/Osu.
Although satellite business districts such as de Airport City wey dem establish across de city, Central Accra dey remain de administrative den cultural centre of Accra, wey dey host government ministries, hotels, businesses, den financial institutions.
Central Accra ein principal attractions dey include de Kwame Nkrumah Mausoleum, de National Museum, Independence Square, de National Theatre, den de Ohene Djan Stadium.
Northern Accra be residential den business district. De area dey contain de"37" Military Hospital, de Flagstaff House, several foreign embassies,Achimota School, Achimota Golf Park, den de University of Ghana ein Legon campus, wich dey serve as Accra ein northern boundary.
Geographically, de areas north of Ring Road West den Central, east ofWinneba/Graphic Road, west of Liberation Road, den de districts just north den south of de Kwame Nkrumah motorway dem dey regard as Northern Accra. Sam areas North of Accra dey include, Ashongman,Madina, Haatso, North den West Legon den odas.
Eastern Accra be largely residential den geographically north of Ring Road East, wey dey stretch as far north as Kwame Nkrumah Motorway; de district be border to de west by Liberation Road.
Western Accra be largely residential den business area. Whilst geographically less expansive dan de northern den eastern dey reach of de city as result of de large saltponds of Tettegu den Aplaku, e nonetheless dey boast one of Accra ein most important landmarks, de Korle Bu Teaching Hospital.
Geographically, de areas west of Ring Road West, dey extend as far west as de saltponds den south of Graphic Road, dem dey consider Accra West.[20]
Pre-school dey comprise nursery den kindergarten. Insyd 2001, na der be 7,923 kiddies (3,893 girls den 4,030 boys) insyd pre-schools for Accra insyd. Insyd 2010, na de enrolment rate for Pre-school be 98%.[21] Pre-schools be regulated by de Ministry of Employment and Social Welfare, wey dem mostly be privately owned den operated. Insyd 2001, na der be 62 government-owned pre-schools insyd de Accra metropolis.
De Junior High School be part of Ghana ein basic education program. Ein nationwide implementation begin for 29 September 1987.
Insyd de 2001/2002 academic year, na 61,080 pupils enroll insyd Accra, wey dey represent 57.17% of de 129,467 school-age 12–to-14-year-olds. Insyd 2010, na de enrolment rate for Junior high school level be 95%.[21] De ratio of girls sanso be higher for dis level.[21]
De University of Ghana dey locate 13 kilometres (8.1 mi) north of de city centre for Legon. Dem found chaw oda public den private universities den tertiary institutions for Accra insyd, dem list sum below.
Accra get de Kotoka International Airport (KIA). Dis Airport dey take passengers go de local airports lyk Tamale, Kumasi, Sunyani, Takoradi den Wa airport plus all de most of international airports for Yonqi.
Accra get extensive taxi network den numerous taxi ranks, buh most taxis lack meter system, so dem dey require price negotiation between de passenger den driver. Metered taxis dey operate insyd de city, buh tend to be more expensive. Dem paint taxis insyd Ghana for two colours insyd: de four bumpers fenders be yellow/orange, den de rest of de car dey insyd colour of de operator ein choice.
Football be de most popular sport insyd Accra.[23] De most famous football clubs insyd de city be Accra Great Olympics F.C. den Accra Hearts of Oak,[24] whose main rival be Asante Kotoko of Kumasi. De Accra Sports Stadium be home to Accra Great Olympics F.C. den de Hearts of Oak, wey dey host venue of de Black Stars, de national football team of Ghana. Insyd 2008, de Accra Sports Stadium host nine matches for de 2008 African Cup of Nations insyd.[25]
Another notable club be Accra Lions FC, wich sanso dey play insyd de Accra Sports Stadium.[26]
Accra be home to de Right to Dream Academy, wich dey give young Ghanaians chance for career insyd professional football. Chaw of de academy ein alumni, dey include Chicago Fire ein David Accam, Helsingborg ein Ema Boateng, Halmstad ein King Gyan den Manchester City ein Godsway Donyoh den Enock Kwakwa, as well as Ghana national team players, Brimah Razak, Harrison Afful, John Boye, Jonathan Mensah, Mohamed Awal, Yaw Frimpong, Mohammed Rabiu, Paul de Vries, Seidu Bancey, Mahatma Otoo, Asamoah Gyan, Latif Mohammed, Yahaya Mohamed, Theophilus Annorbaah, Michael Essien, Yussif Raman Chibsah, Kwadwo Asamoah, Joshua Otoo, Nuru Sulley, David Addy, Jerry Akaminko, Daniel Opare den Foli Adade, dem born dem insyd Accra.
Boxing sanso be popular, plus chaw former world champions wey dey komot Ghana, wey dey include Azumah Nelson, Joshua Clottey, den Ike Quartey.
Holy Trinity Cathedral (Church of de Province ofWest Africa)
Christ de King Parish insyd Accra (Catholic Church)
All Saints Church insyd Adabraka
Accra Wesley Cathedral be one of de oldest church buildings insyd Ghana
De St. Augustine Anglican Church dey locate insyd Sahara, Dansoman
Anglican Diocese of Accra — St. Mary de Virgin Church
Among de places of worship, dem be predominantly Christian churches den temples : Church of de Province of West Africa (Anglican Communion), Presbyterian Church of Ghana, Evangelical Presbyterian Church, Ghana (World Communion of Reformed Churches), Ghana Baptist Convention (Baptist World Alliance), Lighthouse Chapel International, Church of Pentecost, Assemblies of God, Roman Catholic Archdiocese of Accra (Catholic Church).[27] Der sanso be Muslim mosques.
Notable places of worship insyd de city dey include de Holy Trinity Cathedral, Wesley Methodist Cathedral, Ebenezer Presbyterian Church, Osu, Holy Spirit Cathedral, de Ghana National Mosque, de Madina Mosque, den de Accra Ghana Temple of The Church of Jesus Christ of Latter-day Saints.
For October 2022 insyd, de United Nations Educational, Scientific and Cultural Organization (UNESCO) name Accra as World Book Capital for 2023.[32][33][34][35]
↑Akuamoa, Geoffrey (18 March 2013)."The Gas".KWAME, THE LAST SLAVE FROM WEST AFRICA. Lulu.com. ISBN 978-1-291-35746-2.Archived from the original on 17 February 2022. Retrieved 24 October 2020.
↑"Accra Climate Normals 1991–2020".World Meteorological Organization Climatological Standard Normals (1991–2020). National Oceanic and Atmospheric Administration. Archived fromthe original on 28 September 2023. Retrieved 28 September 2023.
↑"Klimatafel von Accra (Int. Flugh.) / Ghana" (PDF).Baseline climate means (1961–1990) from stations all over the world (in German). Deutscher Wetterdienst.Archived (PDF) from the original on 16 May 2019. Retrieved 17 October 2016.
