Republik Rakyat Bangladesh (bahasa Bengali: গণপ্রজাতন্ত্রী বাংলাদেশ, Gôṇôprôjātôntrī Bānlādēś) yito negara tuwawu to Asia Huliyaliyo u titihede wolo negara India to otolopa, tilayo, wawu pobbutuwa, Myanmar to tenggara wawu Teluk Benggala to huliyaliyo. Bangladesh (বাংলাদেশ) secara harfiah ma'analiyo "Negara Bangla". Ibu kota wawu kota damango to Bangladesh de'uwitoyto kota Dhaka.
Sipatana lo Bangladesh pilopotatapuliyo moli molayade India to taawunu 1947. Negara botiya bungaliyo lwali tayadu Pakistan imbihu pobbutula u lalaminga wolo tayadu imbihu otolopa, lamingiyo 1.600 kilometer. Hihede lo politik, bahasa wawu ekonomi lo'otimbulu butola to olimongoliyo, wawu sambe maa lowali popateya ohila maradeka taawunu 1971 wawu lopotihulo negara Bangladesh. To taawunu awali lo kemerdekaan negara botiya hamba'o bolo ilodungga lo polobiti, bencana alam, misikini, huru-hara politik, korupsi wawu kudeta militer.
Bangladesh botiya jumula lo pendudukliyo ngohuntuwa, lenggota owaluliyo to dunia wawu lowali tala tuwawu lo negara modeto'o tuwango lipu to dunia wawu tingkat kemiskinan molanggato, dabo pendapatan perkapita maa yilobotula lipi'uwa duluwo enggadu taawunu 1975 wawu lenggota lo kemiskinan maa lolahe 20% to awali lo taawunu 1990-an. Negara botiya maa pilopotuwotiyo to tala tuwawu lo "Next Eleven". Ibu kota Dhaka wawu wilayah urban uweewoliyo ma'o maa lowali kokoliyo'a uda'a to delomo lolayi'o tutumula botiya.
.svg)
_-_BGD_-_UNOCHA.svg)