Ñorairõ Guasu Mokõiha ha'e akue peteĩñorairõ oikóva hetaite tetãmeYvy ape ári , oñepyrũ va'ekue ary1939 -pe ha opa ary1945 -pe. Kóvape oñorairõ haimete opa tetã yvy jerekuévo ―avei oñorairõmbaite umitetã mbaretéva ― oñembyaty mokõi atýre oñembohováiva: UmiÑorairõ Guasu Mokõiha Oñoirũva ha umitetã mbaretete mbyteguágui . Kóva ha'e pe ñorairõ tuichavéva oikóvayvypóra rembiasakuépe , ko ñorairõme umi tetãnguéra omongu'e va'erã 100 sua ñorairõhára ha oiko «ñorairõ guasu » reko, he'iséva umi tetã oñorairõva oipurupaite ñorairõ ñeha'ãme iviru remimono'õ, imboka atykuéra ha hembikuaaty rembiapo, upéicha ojeiporujoapa viru remimono'õ tetãyguápe guarã ha ñorairõme guarã. Ko ñorairõ herakuãite avei heta tetãygua omanógui (techapyrãme,Holocausto , ojeity mboka okapúva táva guasu ári,Hirochíma ha Nagasáki ojekapupa mboka guasúre átomo rendyry oipurúva), Ñorairõ Guasu Mokõiha ha'e upe ñorairõ oporojukavéva, ndaipóri ñorairõ ambuéva ivaivéva kóvagui, amo 50 térã 100 tekove omano, ha'e va'ekue 2,5% yvy rekovekuéra retakuégui.[ 1]
Oje'e jepi ko Ñorairõ oñepyrũhague ára1 jasyporundy ary1939 -pe,Alemáña ondyrývo Polóñare ,Alemáña nási ojaposégui hetã guasurã oñembohérataReich Mbohapyha Európa yvýpe, ha upéi ára 3 jasyporundyTavetã Joaju ,Hyãsia ha umi oĩvaTetãnguéra Ñembojoajúpe oñemoĩ Alemáña rehe, ombohovake hese. Ary 1939 paha guive ha 1941 ñepyrũ meve, Alemáñaondyry ha oñemomba'e pya'eite heta tetãreEurópa yvyrusúpe.Nási kuéra hasoviétiko kuéra ojapókuri jekupytyha, upéichaURSS oñemomba'e ha oñembojára heta yvy pehẽnguére umi hetã ijykeguávagui, kuarahyreike gotyo. Tavetã Joaju ha Tetãnguéra Ñembojoaju añónte ipokatu ombohovake hag̃ua umitetã mbaretete mbyteguágui amoÁfrika pehẽngue yvateguápe hañorairõ ýpe . Jasypoteĩ 1941 aja, tetã mbaretete mbyteguágui oñepyrũondyry URSS rehe, upéicha oñepyrũ ñorairõ yvýre tuichavéva ndaijojáiva ko'ãga peve. Jasypakõi 1941-me,Hapõ pya'eondyry Tetãvore Joapykuéra rehe,Hyãsia ,Vyretáña Guasu haTetãnguéra Yvýi retãvorekuéra reheÁsia -pe haparaguasu Py'aguapýpe , oñembojára voi yvy tuichavévare, Hapõ nikooñorairõ Chínare 1937 guive[ 2] [ 3] Ñembykuarahyresẽ Ásiape .
Umi tetã mbaretete mbyteguágui noñemotenondevéima Hapõ nosẽ pu'akáigui heta yguasuñorairõme , tetãnguéra mbaretete mbyteguágui ndaipu'akáigui avei ñorairõYvate Áfrika -pe haStalingrado ñorairõme . Ary 1943 aja, Alemáña ndaipu'akáiKuarahyresẽ Európa -pe,tetãnguéra oñoirũva ondyryItália rehe haTetãvore Joapykuéra ipu'aka meme hetañorairõme paraguasu Py'aguapýpe , upéicha tetãnguéra mbaretete mbyteguágui ikangyve ha oñemomichĩ. Ary 1944 aja umiÑorairõ Guasu Mokõiha Oñoirũva kuarahyreikeguaondyry Hyãsiare , upe ajaJoaty Soviétiko oñemomba'e jey hetãvorére ha upéi ondyry hikuái Alemáña retãre.
Umitetãnguéra oñoirũva ipu'akaite tetãnguéra mbaretete mbyteguágui rehe ary 1945 aja, upéicha opa ko ñorairõ guasu, upe rire oñemosãso opa umi tapicha Alemáña omoĩ ka'irãme ojuka hag̃ua. Ñorairõ Európa-pe opa URSS ha Polóñaoñemomba'e Berlin rehe, upe rire Alemáña oñeme'ẽ ha omomarandu hekópe ndaipu'akaiha, ára 8 jasypo 1945-pe. Tetãvore Joapykuéra ipu'aka avei Hapõ Mburuvi aty ñorairõhára rehe ha sapy'aite oñeha'arõ upe tetã ondyrýta voiHapõ ypa'ũnguéra rehe. Tetãvore Joapykuéra oity rireHirochíma ha Nagasáki ári tembipu mboka guasu okapúva ha URSSondyry rire Manchúria rehe, ñorairõ Ásia-pe opa, ára15 jasypoapy 1945-pe,Hapõ oñeme'ẽvo ha omomarandu hekópe ndaipu'akaiha.
Ñorairõ Guasu Mokõiha niko omoambue mba'éicha tetãnguéra ojejokupyty ha mba'éicha avano'õnguéra oñemohenda. Ipaha rire, ojejapoTetãnguéra Joaju oipytyvõ hag̃ua tetãnguéra ojeheko porãve, ojejokupyty ha ani hag̃ua oiko ñorairõ guasu ambuéva.Tetãvore Joapykuéra haURSS oñemoĩtetã mbaretetéicha oñombohovakéva, upéicha oñepyrũÑorairõ Ro'y , hi'arékuri 46 ary. Upe aja, Európa retãnguéra mbaretete ikangyve ha mbeguehápe oñepyrũ hikuái oipe'a ikolóniaÁsia -gui haÁfrika -gui. Oñepyrũ avei tetãnguéra omba'apo jey oñondive, omoporã iviru remimono'õ ha ojejokupyty porãve hag̃ua.
Tetãnguéra oñorairõ oñembyaty mokõi atýre: UmiÑorairõ Guasu Mokõiha Oñoirũva (tetãnguéra oñoirũva) ha umiTetã mbaretete Mbyteguágui (tetãnguéra mbyteguágui).
Oñepyrũvo ñorairõ, umiTetã mbaretete Mbyteguágui ha'e akueAlemáña ,Itália haHapõ . Oiko akue heta jekupytyha ha ñembyaty ombojoaju hag̃ua ã mbohapy tetã, oho oñondive hag̃ua ñorairõme. Upe rire oñembojoaju avei heseHĩlándia ,Elovákia ,Rrumáña ,Vugária ,Hungyria , haTailándia . Ñorairõ pukukuévo, oĩ tetã oheja ko atýpe ha oñembojoaju tetãnguéra oñoirũva rehe, Itália techapyrãme.
Umi Tetãnguéra Oñoirũva ha'e akueTavetã Joaju ha umiTetãnguéra Ñembojoaju atygua,Hyãsia ,Polóña , Jugolávia, Gyrésia, Véyhika haChína oñepyrũvo ñorairõ.
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.png)
.svg)
