Richard Stuart Linklater, nado enHouston (Texas) o30 de xullo de1960[1] é undirector de cinema eguionistaestadounidense.
Estudou na Sam Houston State University, ata que a abandonou para traballar nunha perforadora de petróleo nogolfo de México. Nese tempo lía novelas e comezou a interesarse polo cinema, empregando os seus aforros na compra dunha cámara deSuper 8, un proxector e un equipo de edición. En 1984 entrou noAustin Community College para estudar cinema[2] e o ano seguinte fundou xunto conLee Daniel aAustin Film Society.
Durante varios anos realizou curtametraxes que máis ben se poden considerar exercicios e experimentos sobre as técnicas cinematográficas. Pouco despois dirixiuSlacker, que cun orzamento de 23.000 dólares recadou máis dun millón. O seu seguinte filme,Dazed and Confused, foi un éxito de crítica, recadou oito millóns de dólares nos Estados Unidos e deu a coñecer o actor texanoMatthew McConaughey.
En 1995 gañou o Oso de Ouro enBerlín porBefore Sunrise, filme que continuaría cos mesmos actores en anos posteriores.
Xa no século XXI dirixiu filmes de animación comoWaking Life eA Scanner Darkly, e comedias comerciais comoSchool of Rock eBad News Bears. En 2014 estreou o filmeBoyhood, que rodou durante doce anos.
| Ano | Título |
|---|---|
| 1988 | It's Impossible to Learn to Plow by Reading Books |
| 1991 | Slacker |
| 1993 | Dazed and Confused |
| 1995 | Before Sunrise |
| 1996 | SubUrbia |
| 1998 | The Newton Boys |
| 2001 | Waking Life |
| 2001 | Tape |
| 2003 | School of Rock |
| 2004 | Before Sunset |
| 2005 | Bad News Bears |
| 2006 | Fast Food Nation |
| 2006 | A Scanner Darkly |
| 2008 | Me and Orson Welles |
| 2011 | Bernie |
| 2013 | Before Midnight |
| 2014 | Boyhood |
 | Wikimedia Commons ten máis contidos multimedia na categoría: Richard Linklater |
| Control de autoridades |
|
|---|
