| Monumento a Concepción Arenal | |||||||||
|---|---|---|---|---|---|---|---|---|---|
A Coruña | |||||||||
| |||||||||
Instancia de | |||||||||
Xénero artístico | |||||||||
| Persoas e organizacións | |||||||||
Creador/a | |||||||||
Dedicado a | |||||||||
| |||||||||
| |||||||||
| Wikidata C:Commons | |||||||||
Omonumento a Concepción Arenal é un conxunto escultórico realizado polo arquitectoRafael González Villar na memoria da sociólogaConcepción Arenal. Atópase nosXardíns de Méndez Núñez.
En 1914 o concello da Coruña deulle o visto e prace á idea do presidente doCírculo de Artesáns de construír un monumento aConcepción Arenal nun dos macizos situados xunto ao estanque dosXardíns do Recheo. No macizo simétricos situaríase outro monumento dedicado aRosalía de Castro, que non chegou a levantarse.[1] O arquitectoRafael González Villar ofreceuse desinteresadamente para o seu deseño.[2]
O monumento, aínda sen finalizar,[3] inaugurouse o 17 de setembro de 1916, estando presente o presidente do Consello de MinistrosEduardo Dato.[4]
O monumento é moi innovador, xa que nese momento o costume era colocar unha estatua do homenaxeado sobre un pedestal. Foi o primeiro monumento español pensado como un conxunto arquitectónico, e non se atopa ningún outro deste estilo ata 1931.[5] Está composto por seis pináculos, cunha escultura que representa unha aguia, un libro e unha serpe.[6] Tamén se incluíu un medallón co retrato da homenaxeada. A escultura é unhaalegoría da obra de Concepción Arenal, que loitou por mellorar as condicións nos cárceres.[7] Neste simbolismo, así como nos ornamentos obsérvase un estilomodernista.[8] A obra de cantería levouna a cabo o construtorJosé María Longueira, os elementos ornamentais de forxaJulio Wonenburger e as esculturas de bronceJoaquín López Fernández.[3]
.jpg)
 | Wikimedia Commons ten máis contidos multimedia na categoría: Monumento a Concepción Arenal |
 | A Galipedia ten unportal sobre:A Coruña |
