® ™
Unhamarca, cando se refire ao ámbito domercado (trade mark, TM eninglés), é un conxunto de características (incluíndo nome, deseño, símbolo) que identifica un ben ou servizo do vendedor como diferente dos doutros vendedores. É calquera signo, susceptible de ser representado graficamente, con carácter distintivo para distinguir os produtos ou servizos dunha empresa dos doutras empresas. Estes signos poden incluír nomes, letras, números, elementos figurativos, combinacións de cores e calquera combinación destes signos. Existen marcas de produtos e marcas de servizos.
Unha antiga forma de marca rexistrada era a de ferro nogando, identificando os animais dun propietario.
Oscomerciantes tratan de darlle a un produto ou servizo unhapersonalidade e imaxe a través da marca. Por iso, esperan asociala coas calidades do produto. Así, marca é un elemento importante napublicidade.
A palabra inglesa "brand" (marca) deriva donórdico antigobrandr que significa "queimar" (da que tamén derivan os termosbranco eblack, negro en inglés, poloresplandor e ocarbón ao queimarse algo). Refírese en orixe ás marcas dos produtos que se facían con lume.[1]
NaIndia, desde operíodo védico, a marca comercial aplicada a un grupo de plantas medicinais coñécese como "Chyawanprash".[2]
Asmarcas de auga utilizáronse en papel en Italia durante o século XIII.[3]
Legalmente, unhamarca comercial é unha marca rexistrada que adquiriu recoñecemento legal para a súa inclusión nun rexistro. O dereito de marca confire ao seu titular o dereito exclusivo do seu uso para distinguir os seus produtos no mercado, e protéxeo contra a imitación, copia ou falsificación. Iso en ocasións ten sido fonte de controversia (por exemplo no alcance da marcaapple "mazá" en diversos ámbitos comerciais[4], ou a coincidencia no uso duncrocodilo por distintas marcas deroupa comoLacoste). Unha marca comercial non rexistrada pode ter un recoñecemento implícito da natureza perpetua do produto ou por orde xudicial.
Adoita empregarse o símbolo™ (do ingléstrademark, enHTML &trade) para identificar marcas que reclaman dereitos pero que non están rexistradas nunha xurisdición determinada. O símbolo® (en HTML ®) úsase cando se rexistra a marca comercial.
Os dereitos de marca rexistrada só aplícan na xurisdición na que tivo lugar o rexistro. Varios tratados de propiedade intelectual buscan harmonizar as leis para compatibilizar os dereitos das marcas.[5] O sistema principal para facilitar o rexistro internacional de marcas é oSistema de Madrid.[6] Xestionado polaOrganización Mundial da Propiedade Intelectual, ofrece un rexistro centralizado de marcas internacionais de aplicación aos estados membros da Unión de Madrid (máis de 120 países ou Estados).[7]
AUnión Europea, que se adheriu ao Protocolo de Madrid en 2004, estableceu a marca comunitaria para un rexistro unitario nos estados membros. A marca comunitaria está xestionada pola Oficina de Harmonización do Mercado Interior con sede enAlacante.[8]
A marca comunitaria e, en xeral, todas as marcas rexistradas baixo diferentes leis, outorgan ao titular un dereito exclusivo que impide que terceiros a utilicen con fins comerciais:[9]
- un sinal idéntico para produtos ou servizos idénticos para os que se rexistrou a marca;
- un sinal polo que existe risco de confusión, na percepción do público, con outra marca;
- un signo idéntico ou similar á marca comunitaria para produtos ou servizos que non sexan similares a aqueles para os que está rexistrada a marca comunitaria, cando o uso do signo se aproveite do prestixio ou do carácter distintivo da marca.
En particular, o artigo 10 do Regulamento da marca comunitaria establece que a reprodución dunha marca comunitaria nun dicionario, enciclopedia ou obra de referencia similar non pode dar a impresión de que constitúe o termo xenérico para os produtos ou servizos para os que se está rexistrada a marca.
Lovemark - literalmente en inglés "marca querida" - é un concepto demercadotecnia que busca substituír a idea dunha marca. O concepto foi descrito por primeira vez nun libro do mesmo título por Kevin Roberts, CEO de Saatchi & Saactchi.[10]
