_(cropped).jpg) (2024)  | |
| Biografía | |
|---|---|
| Nacemento | (en)Madison Elle Beer 5 de marzo de 1999 (26 anos)Jericho (Estados Unidos de América) |
| Residencia | Os Ánxeles |
| Grupo étnico | Asquenací |
| Educación | Jericho High School(en) |
| Actividade | |
| Ocupación | compositora de cancións, realizadora, bailarina, actriz, cantante, modelo |
| Período de actividade | 2012 - |
| Xénero artístico | Música pop,R&B contemporáneo,música dance electrónica emúsica hip hop |
| Instrumento | Voz |
| Selo discográfico | Island Records First Access Entertainment(en) Epic Records |
| Sitio web | madisonbeer.com |
                 | |
Madison Elle Beer, nada en Jericho (Long Island,Nova York)[1][2] o5 de marzo de1999, é unha cantante,produtora e escritora estadounidense. Deuse a coñecer aos 12 anos[3] grazas ó cantanteJustin Bieber, o cal compartiu na súa conta deTwitter un enlace a unha versión feita por ela enYouTube.
Madison Beer naceu o 5 de marzo do 1999 en Jericho. É filla de Robert Beer, un construtor de casas de luxo, e Tracie Beer, unha deseñadora de interiores; e ten un irmán máis novo chamado Ryder. Seus pais divorciáronse e na actualidade seu pai volveu casar. Madison estudou no instituto de Jericho ata que no 2012 decidiu continuar os seus estudos dende a casa.
Logo de ser descuberta porJustin Bieber no 2012, firmou coa discográficaIsland Records e empezou a gravar e a lanzar sinxelos nos anos seguintes. No mes de febreiro do 2018 lanzou a súa maqueta de debutAs She Pleases. O ano seguinte, firmou coa discográficaEpic Records e agora no 2020 planea lanzar o seu disco debut chamadoLife Support.
Madison Beer éxudía de ascendenciaasquenací. Celebrou o seubat mitzvah o 20 de abril do 2012 baixo a temática de "Madison’s Square Garden"[4].
Vive nosÁnxeles dende que tiña 14 anos, cando se mudou alí con súa nai e seu irmán máis novo, Ryder. Cando cumpriu os 18 quedou a vivir nos Ánxeles, mentres que súa nai e seu irmán volveron a Nova York e dende aquela vive soa no seu propio apartamento na cidade.[3]
Dentro das súas relacións amorosas, estivo saíndo con Jack Gilinski, cantante e membro do dúo musical Jack & Jack, dende o 2015 ao 2017; Brooklyn Beckham, modelo e fotógrafo británico, no verán do 2017; e Zack Bia dende finais dese mesmo ano ata o 2019. Na actualidade está solteira.[5]
Madison declarouse abertamentebisexual en diferentes directos da súa páxina deInstagram.[6]
A inicios do ano 2012, Madison comezou a publicar vídeos na plataformaYouTube interpretando cancións de éxito (Bruno Mars, etc)[7]. Gañou popularidade candoJustin Bieber chiou tres enlaces[8] ás súascovers, sendo a primeira unha versión que fixo ela da canción deEtta James,At Last[9]. Bieber púxose en contacto con ela e así firmou coa discográfica coa que traballaba o cantante,Island Records.
Colaborou conMonster High, para quen gravou o tema «We Are Monster High». No febreiro do 2013, o cantante australianoCody Simpson regravou a súa canción «Valentine» con ela, canción que foi reproducida porRadio Disney[10] pero que nunca se fixo oficial. O 12 de setembro do 2013, gravou o seu primeiro sinxelo e vídeo musical, «Melodies» (Melodías), escrita por Peter Kelleher, Ben Kohn, Thomas Barnes, Ina Wroldsen eJustin Bieber (o cal aparece ao inicio do vídeo)[11][12].
O seu segundo sinxelo foi «Unbreakable»[13], publicado ao mesmo tempo que o vídeo musical o 14 de xuño do 2014. Foi escrito por Jessica Ashley, Evan Bogart, Heather Jeanette Miley, Matt Schwartz, Emanuel Kiriakou e Andrew Goldstein e foi producido polos dous últimos[14]. O 16 de febreiro do 2015, Madison anunciou a súa colaboración cosDJs Mako na canción «I Won't Let You Walk Away»[15]. A canción gravouse xunto co vídeo musical o día 24 dese mesmo mes e inmediatamente estivo dispoñible nas plataformas dixitais para a súa descarga[16]. A canción alcanzou o número 43 en HotDance/Electronic Songs, o número 33 en Dance/Electronic Digital Songs e o número 19 en Dance/Mix Show Airplay nosEstados Unidos. O 16 de setembro de 2015, publicouse o sinxelo «All for love» (Todo por amor), unha colaboración co dúo estadounidenseJack & Jack, a cal foi composta por Chloe Angelides, Matt Beckley, Jeff Halavacs, Jack Johnson e Gamal Lewis.
Gravou a súa primeira maqueta, tituladaAs She Pleases, durante un período de tres anos. Estreouse o 2 de febreiro de 2018, e embarcouse na xiraAs She Pleases Tour para a súa promoción[17]. «Dead» (Morto) publicouse como o primeiro sinxelo da maqueta o 19 de maio do 2017[18]. O vídeo musical lanzouse máis tarde o 3 de agosto de 2017[19]. Para a promoción do sinxelo, lanzáronseremixes con Cedric Gervais e Laibert, como unha versión acústica da canción[20][21][22][23]. Posteriormente, lanzou «Say It to My Face» (Dimo á cara) como o segundo sinxelo o 3 de novembro do 2017[24]. O vídeo musical estreouse o 15 de novembro do 2017[25]. Publicáronse remixes da canción con The Wideboys o 15 de setembro do 2017[26].
O 10 de marzo do 2018, «Home with You» lanzouse como o terceiro e último sinxelo da maqueta. No agosto do 2018, a canción alcanzou o seu punto máximo no número 22 da lista deBillboard Mainstream Top 40[27]. Fixo o seu debut oficial no festivalLollapalooza o 2 de agosto de 2018 enChicago[28]. A súa maqueta alcanzou o seu punto máximo no número 93 da lista deBillboard 200[29], e a posición 62 noCanadá.[30] O 9 de novembro de 2018, lanzou «Hurts Like Hell» (Doe que rabea) co rapeiro estadounidenseOffset, membro do grupo Migos[31]. Ela mesma describiu esta canción como representativa dun punto de vista diferente da ruptura amorosa, dende o cal non se envía unha mensaxe de tristeza e arrepentimento á outra persoa mais unha mensaxe vengativa: "...ti fastidiáchela e espero que doa".[32]
Por outro lado, apareceu en «Blame It On Love» unha canción do sétimo álbum de estudio «7» do DJ francésDavid Guetta; na canción e vídeo musical de «Pop/Stars» interpretada por Madison, Jaira Burns baixo o grupo virtual deK-pop chamado K / DA lanzada polo desenvolvedor de videoxogos Riot Games o 3 de novembro de 2018. Esta canción foi empregada como tema principal do xogo en liñaLeague of Legends cara ao final do ano 2018[33].
Despois do lanzamento da súa maqueta debut, empezou a traballar nun proxecto de álbum no agosto do 2018. O 9 de novembro do 2018, lanzou a canción «Hurts Like Hell» (Doe que rabea) como sinxelo principal do seu futuro álbum de estudio[34]. Despois do lanzamento, desvelou que o álbum publicariase nalgún momento do 2019. O tema foi eliminado da lista de cancións do álbum e foi substituído pola canción «Dear Society» (Querida sociedade) como sinxelo principal do álbum[35][36]. No agosto do 2019, filtrouse que o título do álbum seríaLife Support. Pouco despois diso, anunciou que firmara coa discografíaEpic Records e que planeaba lanzar nova música axiña[37][38]. O 12 de febreiro de 2020, revelou a portada do álbum[39].
Logo de descartar os dous sinxelos anteriores, o 31 de xaneiro de 2020, estreou como sinxelo principal do seu primeiro álbum de estudio «Good In Goodbye»[40][41], seguido do seu segundo sinxelo «Selfish»[42]. O 3 de abril, lanzou o seu primeiro sinxelo promocional do álbum: «Stained Glass»[43].
| Ano | Título | Papel | Nota |
|---|---|---|---|
| 2013 | Louder Than Words | Amy | Película[44] |
| 2020 | RuPaul's Secret Celebrity Drag Race | Ela mesma | Episodio 4[45] |
 | Wikimedia Commons ten máis contidos multimedia na categoría: Madison Beer |
