George W. Bush
(2003) |
| Biografía |
|---|
| Nacemento | (en)George Walker Bush
6 de xullo de 1946 (79 anos)
New Haven, Estados Unidos de América |
|---|
|
 43ºPresidente dos Estados Unidos de América |
|---|
20 de xaneiro de 2001 – 20 de xaneiro de 2009
← William Jefferson Clinton –Barack Obama →
|
| 34ºPresidente electo dos Estados Unidos |
|---|
12 de decembro de 2000 – 20 de xaneiro de 2001
← William Jefferson Clinton –Barack Obama →
|
 46ºGovernador do Texas(pt) |
|---|
17 de xaneiro de 1995 – 21 de decembro de 2000
← Ann Richards –Rick Perry → |
|
| Datos persoais |
|---|
| Residencia | George W. Bush Childhood Home(en)(1952–1955)
Dallas |
|---|
| Relixión | Igrexa metodista unida |
|---|
| Educación | Harvard Business School(pt)-Mestrado en administración de negocios (1973–1975)
Yale College(en)-ciencia histórica (1964–1968)
Phillips Academy (1961–1964)
The Kinkaid School(en) (1959–1961)
Davenport College(en)
St. Anthony Catholic School(en) |
|---|
| Altura | 183 cm |
|---|
| Lateralidade | manicho |
|---|
| Actividade |
|---|
| Lugar de traballo | Austin
Washington, D.C. |
|---|
| Ocupación | político, oficial, estadista, empresario, xogador de rugby, autobiógrafo, pintor, orador motivacional, financeiro |
|---|
| Período de actividade | 1968 - |
|---|
| Partido político | Partido Republicano |
|---|
| Membro de | |
|---|
| Carreira militar |
|---|
| Lealdade | Estados Unidos de América |
|---|
| Rama militar | Air National Guard(en) |
|---|
| Rango militar | primeiro tenente |
|---|
| Conflito | Guerra de Iraq
Guerra de Afganistán
Insurgência islâmica no Magrebe(pt)
Guerra na Somália(pt)
Conflito Moro(pt)
Guerra no Noroeste do Paquistão(pt) |
|---|
| Deporte | rugby |
|---|
| Participou en |
|---|
|
| 2001 | commencement at the University of Notre Dame(en) |
| Reto do balde de xeo |
|
| Familia |
|---|
| Familia | Família Bush(pt) |
|---|
| Cónxuxe | Laura Bush(1977–) |
|---|
| Fillos | Barbara Pierce Bush, Jenna Bush Hager |
|---|
| Pais | George Herbert Walker Bush e Barbara Bush |
|---|
| Irmáns | Dorothy Bush Koch
Marvin P. Bush
Jeb Bush
Neil Bush
Robin Bush |
|---|
| Premios |
|---|
|
Sinatura |
|
| Descrito pola fonte | Lentapedia
Lentapedia
Obálky knih, |
|---|
| Sitio web | georgewbush.com |
|---|
   
        |
George Walker Bush, naceu enNew Haven (Connecticut) o 6 de xullo de 1946.[1] É un político e empesarioestadounidense que en 2001 se converteu no 43ºpresidente dos Estados Unidos.
O seu mandato estivo marcado polaguerra contra o terrorismo dende os atentados do11 de setembro de 2001. Promoveu a invasión deAfganistán en busca do terroristaOsama bin Laden en outubro de 2001, e a invasión deIraq para desarmar aSaddam Hussein. Presidente que levantou paixóns en gran parte do electorado conservador norteamericano e provocou manifestacións na súa contra tamén no resto do mundo, sobre todo enEuropa a raíz da súa política exterior considerada hostil e mesmo criminal por parte da opinión pública europea, segundo reflicten diversas enquisas publicadas. Logo daseleccións de 2008 pasou a ser substituído porBarack Obama, quen asumiu o cargo o20 de xaneiro do2009.
Está casado conLaura Welch Bush e é pai de dúas xemelgas.
George W. Bush naceu en1946 enNew Haven,Connecticut. É o primoxénito do presidente dosEstados UnidosGeorge H. W. Bush e a súa mullerBarbara Bush. Cando tiña dous anos, a súa familia mudouse aTexas, onde viviron dende entón.
Estudou naUniversidade Yale e recibiu un título deHistoria en1968. En maio dese mesmo ano, e en plenaGuerra de Vietnam, formou parte daTexas Air National Guard[2] (en galego,Garda Nacional Aérea de Texas). Tras dous anos de adestramento, foi asignado aHouston. En 1972, foi suspendido de voar por non ter realizado un exame físico programado.[3] Pasou á reserva da Forza Aérea con honores o 21 de novembro de 1974[4], seis meses antes do debido coa fin de estudar en Harvard.
Despois de graduarse en negocios, Bush volveu a Texas e casou conLaura Welch, coa que tivo dúas xemelgas en1981. Isto convérteo no único presidente dos EEUU da historia con xemelgos.
O pasado de George Bush foi obxecto de críticas durante as campañas electorais de2000 e2004. Por un lado, houbo investigacións relativas ó seu pasado militar; por outro, consumiu durante a súa xuventude tanto alcol coma drogas -aínda que afirma ter pasado a unha vida sobria dende que cumpriu corenta anos.
En1978, Bush intentou ser candidato doPartido Demócrata dentro do distrito 19 de Texas, pero perdeu por unha estreita marxe de votos as primarias.
En1994, sendo xa o seu pai presidente dos Estados Unidos, Bush gañou as eleccións para gobernador de Texas, ó tempo que o seu irmán se convertía en gobernador deFlorida. Isto foi o primeiro paso na súa carreira á presidencia.
Foi no ano2000 cando Bush decidiu que era o momento adecuado para converterse no candidato republicano á presidencia dosEstados Unidos. Aínda antes de presentarse, xa era o favorito en tódalas enquisas. Bush centrou a súa campaña na baixada de impostos, a posibilidade de selección de centros educativos por parte dos pais (de pago), a potenciación da extracción depetróleo enAlasca e a reforma dasForzas Armadas.
Bush perdeu as eleccións primarias enNova Hampshire (contraJohn McCain, deArizona), pero acabou gañando na maioría dos estados. Escolleu como home forte aDick Cheney e iniciou unha intensa campaña.
O7 de novembro do ano2000, o día das eleccións, pensouse nun principio que os votos do estado deFlorida irían para oPartido Demócrata co seu candidatoAl Gore. Logo, as televisións anunciaron que ese estado correspondía a Bush. En último lugar, afirmaron que non había diferenza dabondo para confirmar a vitoria de ningún candidato. Iniciouse así unha importante polémica. Houbo queixas por parte dos dous partidos: as papeletas eran confusas, as máquinas de votar non funcionaban ben, os votos dos residentes no exterior daban problemas e moitos votantes non puideron exerce-lo seu dereito porque llo prohibiron de forma irregular.
Para intentar solucionar estes problemas, tódolos votos do estado de Florida se fixeron pasar por unha máquina de reconto, que deu como gañador a Bush. Pero aquí non rematou todo, porque varioscondados onde a marxe era moi estreita tiveron que volver facer un reconto manual. O9 de decembro a xustiza estadounidense paralizou este reconto e deu por válidos os resultados da máquina de reconto, co que Bush se converteu no gañador no Estado de Florida, e tamén no conxunto do país.
A primeira lexislatura de George W. Bush como presidente dos Estados Unidos empezou o20 de xaneiro de2001 e rematou o mesmo día do ano2005.
Os primeiros oito meses deste período transcorreron de forma normal. Bush tiña unha maioría exigua, polo que non puido levar a cabo moitas das leis que tiña planeadas, pero o seu apoio popular oscilaba entre o 50% e o 60%.
Porén, o11 de setembro de2001 tivo lugar unatentado contra as Torres Xemelgas e o Pentágono. Isto fixo dar un importante xiro á política exterior estadounidense. Ese mesmo día, o presidente declarou unhaguerra contra o terrorismo; a súa taxa de aprobación ascendeu ata o 90%.
Os efectos desta política non se fixeron esperar. O8 de outubro de2001, Bush creou aOffice of Homeland Security (Oficina da Seguridade Nacional). Unha das principais funcións deste organismo é fixa-lo nivel de alerta nosEstados Unidos (verde-azul-amarelo-laranxa-vermello).
Neste mesmo mes, Bush decidiu invadirAfganistán, país gobernado polo réximetalibán que, segundo el, daba refuxio a terroristas comaOsama bin Laden. Nesta operación, foi axudado pola meirande parte dos países occidentais e aOTAN. Como resultado desta operación militar, os talibáns foron depostos, pero Osama bin Laden non foi atopado. Bin Laden morreu o2 de maio de2011 nunha operación militar realizada por forzas especiais do exército dos Estados Unidos.
En2002, Bush propuxo por primeira vez a idea doEixe do Mal, un grupo de países que supuñan unha ameaza para a paz mundial, nos que se incluíanIraq,Corea do Norte eIrán. Pouco despois, a súa administración anunciou que os investigadores descubriranarmas de destrución masiva en territorio iraquí.Saddam Husayn, presidente iraquí, foi descrito coma unha ameaza para o mundo mentres seguise mantendo o seu cargo.
En2003, unha coalición formada por tropas dos Estados Unidos, oReino Unido e un pequeno grupo de países (entre elesEspaña ePolonia), invadiu Iraq dentro daOperación Liberdade Iraquí. Esta invasión supuxo un grave conflito internacional, dado que non había ningún tipo de resolución dasNacións Unidas que apoiase a existencia de armas de destrución masiva e, polo tanto, unha posible invasión.
O2 de maio de2003, Bush anunciou o fin da guerra propiamente dita en Iraq. Isto non era verdadeiramente certo: moitas das tropas da coalición seguían loitando (e seguen) dentro do país. As "armas de destrución masiva" que Bush situaba antes e durante a guerra en territorio iraquí aínda non foron atopadas.
A captura deSaddam Husayn o13 de decembro de2003 foi un dos poucos éxitos da intervención armada. Morreuenforcado o30 de decembro do2006 após ser xulgado pola morte de 148 xiítas na vila de Dujail en1982.
Cos problemas derivados da guerra enIraq, a aprobación pública de Bush era só do 46% en maio de2003, e a reelección facíase complicada.
Malia todo isto, na campaña de 2004 George Bush deu mostras de ser un político moi hábil. Na súa loita contraJohn Kerry, centrou a súa campaña en demostrar que el era capaz de loitar contra o terrorismo e defende-lo país.
O2 de novembro de2004 tiñan lugar as eleccións, pero non foi ata o día seguinte cando se souberon os resultados, xa que volveu a haber problemas nas votacións, esta vez enOhio. John Kerry recoñeceu a súa derrota e non houbo tantas investigacións coma houbera en Florida en2000.
Bush recibiu 286 votos (de 31 estados, fundamentalmente do centro e do sur) e Kerry 251 (dos outros 29 estados, os situados no nordés, no norte e no occidente americano).
A segunda lexislatura de George Bush comezou o20 de xaneiro de2005 e rematou o mesmo día de2009, candoBarack Obama xurou o seu cargo.
Os obxectivos que marcou para este período son:
- A reforma do sistema fiscal.
- A reforma da lexislación sobre os médicos.
- A reforma da seguridade social.
- A concesión da cidadanía ósinmigrantes ilegais que xa están no país.
- Continua-la ocupación deIraq.
- Levar a cabo a guerra contra o terrorismo.
- A mellora da educación pública.
- Programas a favor da educación universitaria dos máis pobres.
A semiprivatización daSeguridade Social que pretendía Bush foi unha das materias máis candentes dentro do inicio da lexislatura, e a viaxe aEuropa que realizou un importante xesto de reparación de relacións tralo conflito diplomático que supuxo aguerra de Iraq.
A guerra en Iraq seguiu a ser un asunto importante, que fixo que a valoración política de Bush dentro dos americanos -malia a morte deAbu Musab al-Zarqawi- se situase baixo mínimos.
O seu sucesor na candidatura doPartido Republicano á presidencia dos Estados Unidos foiJohn McCain, que perdeu aseleccións presidenciais do 2008 anteBarack Obama.
Persoa do ano segundo a revista Time |
|---|
| |
|
|
|
|
.svg)
.svg)
%2c_Flag_of_Syria_(1980%25E2%2580%25932024).svg)
.svg)
