Evelyn Waugh
 |
| Biografía |
|---|
| Nacemento | 28 de outubro de 1903
West Hampstead, Reino Unido |
|---|
| Morte | 10 de abril de 1966 (62 anos)
Combe Florey, Reino Unido(en) |
|---|
| Causa da morte | infarto agudo de miocardio |
|---|
| Lugar de sepultura | Church of St Peter & St Paul(en) |
|---|
| Residencia | Londres |
|---|
| Relixión | Catolicismo |
|---|
| Educación | Hertford College (Oxford)(pt)
Heath Mount School(en)
Sherborne School(pt)
Lancing College(en)
Heatherley School of Fine Art(en) |
|---|
| Actividade |
|---|
| Campo de traballo | Escrita creativa e profesional,xornalismo,jornalismo de guerra(pt),autobiografía,libro de viaxes,satirical literature(en) eliteratura de humor |
|---|
| Ocupación | correspondente de guerra, escritor de ciencia ficción, autor de diarios, prosista, escritor de contos, guionista, escritor, autobiógrafo, novelista, xornalista |
|---|
| Período de actividade | 1924 - |
|---|
| Xénero artístico | Sátira,libro de viaxes,biografía eautobiografía |
|---|
| Influencias | |
|---|
| Carreira militar |
|---|
| Rama militar | Exército Británico,Royal Navy eRoyal Marines(pt) |
|---|
| Conflito | segunda guerra mundial |
|---|
| Obra |
|---|
Obras destacables |
| Arquivos en | |
|---|
| Familia |
|---|
| Cónxuxe | Laura Herbert(1937–)
Evelyn Gardner(1928–) |
|---|
| Fillos | Maria Teresa Waugh
( )Laura Herbert
Auberon Waugh
()Laura Herbert
Mary Waugh
()Laura Herbert
Margaret Evelyn Waugh
()Laura Herbert
Harriet Mary Waugh
()Laura Herbert
James Waugh
()Laura Herbert
Septimus Waugh
()Laura Herbert |
|---|
| Pais | Arthur Waugh e Catherine Charlotte Raban |
|---|
| Irmáns | Alec Waugh |
|---|
| Premios |
|---|
|
|
| Descrito pola fonte | Obálky knih, |
|---|
 
      |
Arthur Evelyn St. John Waugh, coñecido comoEvelyn Waugh, nado en Hampstead (Londres) o28 de outubro de1903 e finado en Combe Florey (Somerset) o10 de abril de1966, é un novelistabritánico da segunda metade doséculo XX.
Era fillo dun coñecido editor da época. Estudou enOxford, Lancing e o Hertford College. Viaxou por numerosos países e en1939 foi destinado á Mariña británica e, posteriormente, ás forzas montadas enOriente Medio eIugoslavia.
Casou dúas veces. A primeira, en1928, conEvelyn Gardener, para divorciarse dela en1930. Ese mesmo ano converteuse aocatolicismo. En1937 casa conLaura Herbert, con quen tivo seis fillas (unha morreu antes do ano) e un fillo.
A súa obra enténdese mellor tendo en conta as súas viaxes e, sobre todo, a súa conversión, en 1930, á fe católica. El procedía dunha familiaevanxelista.
Daquela, Waugh xa publicaraDecline and fall (1928), unha novela curta que o fixo coñecido e lle permitiu iniciar a súa carreira viaxeira. Antes da guerra, Waugh parodiou oxornalismo, e en especial o mundo dos correspondentes, conScoop (1934). A súa obra ten dúas vertentes, pois mestura libros cun humor negro e satírico con outros máis serios, onde ataca a alta sociedade e, ao mesmo tempo, escribe sobre a falta de valores. Esta segunda vertente acentúase trala conversión relixiosa e o paso do escritor polasegunda guerra mundial.
A participación de Waugh na contenda bélica reflíctese especialmente na triloxíaSword of Honour, a súa derradeira obra grande de ficción, aínda que tamén na súa máis importante novela,Retorno a Brideshead.
A máis recoñecida obra de Waugh, a que o fixo famoso, éBrideshead revisited, que é consecuencia das súas peripecias militares e que publicou nada máis rematar a segunda guerra mundial, en1945. El conta que anovela xa estaba rematada en xuño de1944, despois dunha convalecencia por unha pequena ferida deguerra. No prólogo que fixo para a edición revisada de1959, Waugh descríbea como unha narración sobre "a influencia da grazadivina nun grupo de personaxes moi diferentes entre si, aínda que estreitamente relacionados". A revistaTime incluíuna na súa lista das cen mellores novelas de todos os tempos.[1]
Brideshead revisited ten como título completoBrideshead revisited. The sacred and profane memories of captain Charles Ryder[2]. Este último é un militar británico que, no curso da guerra, chega a Brideshead, unha mansión, propiedade da familia Marchmain, na que pasou uns transcendentais anos da súa mocidade, pouco antes do conflito bélico. Os seus recordos dese tempo pasado constitúen o eixe do relato. Na novela, Ryder evoluciona dende o amor homosexual e estético por Sebastian Marchmain ata o obsesivo pola irmá deste, Julia, mentres asiste ao declinar da familia. Porque a novela é tamén o relato da caída dun clan aristocrático, arrastrado tanto polos novos ventos da historia como polos desvaríos dalgúns dos seus membros.
No prólogo de 1959, Waugh salienta que "gran parte deste libro consiste nun discurso fúnebre ante un ataúde baleiro". Precisamente, o soliloquio dun moribundo é un dos intres máis relevantes da narración.
Brideshead revisited foi adaptada para a televisión en1981, converténdose nunha das máis brillantes adaptacións televisivas dunha novela. Producida pola prestixiosa casa Granada Television, esta serie fixo coñecido ao actor que interpretaba a Charles Ryder,Jeremy Irons. Anos despois, xa no2008, fíxose unha pobre versión para o cine.
- Decline and fall, 1928.
- Vile Bodies, 1930.
- Black Mischief , 1932.
- A Handful of Dust, 1934.
- Scoop, 1938.
- Work Suspended, 1942.
- Put Out More Flags, 1942.
- Brideshead Revisited, 1945.
- The Loved One, 1948.
- Helena, 1950.
- Sword of Honour, triloxía integrada por
- Men at Arms , 1952.
- Officers and Gentlemen, 1955.
- Unconditional Surrender, 1961.
- The Ordeal of Gilbert Pinfold, 1957.
- Mr Loveday's Little Outing and Other Sad Stories, 1936.
- Scott-King's Modern Europe, 1947.
- Love Among The Ruins, 1953.
- Basil Seal Rides Again, 1963.
- Rossetti, His Life and Works, 1928. Biografía.
- Labels, A Mediterranean Journal, 1930. Libro de viaxes
- Remote People, 1931. Libro de viaxes.
- Ninety-Two Days, 1934. Libro de viaxes.
- Edmund Campion, 1935. Biografía.
- Waugh in Abyssinia, 1936. Libro de viaxes.
- Robbery Under Law, 1939. Libro de viaxes.
- The Holy Places, 1952. Libro de viaxes.
- The Life of the Right Reverend Ronald Knox, 1959. Biografía.
- A Tourist in Africa, 1960. Libro de viaxes.
- A Little Learning, 1964, autobiografía parcial.
