Euloxio R. Ruibal

Biografía
Nacemento	16 de marzo de 1945 (80 anos) Ordes, España
Educación	Universidade de Santiago de Compostela
Actividade
Ocupación	escritor, dramaturgo, catedrático
Membro de	Real Academia Galega (académico de número)(2006–)
Xénero artístico	Teatro,narrativa
Premios
(2024)  O/A escritor/a na súa terra (2005)  Premio Valle-Inclán da Deputación de Pontevedra (1989)  Premio Álvaro Cunqueiro para textos teatrais

Euloxio Rodríguez Ruibal, nado enOrdes o16 de marzo de1945, é un escritor e directorgalego. Está considerado un dos renovadores do teatro galego.

Comezou a súa actividade teatral no grupoDitea en1961, baixo a dirección deAgustín Magán, e fundou o grupo de teatro Obradoiro. Tamén foi animador do equipo de cine Reina Lupa (1972), co que realizou varias curtametraxes e documentais (Catro por Catro,Mesturanza,Holocausto...).

En1973 gañou conZardigot o Premio Abrente de teatro, e en1975 volveu a conseguir o mesmo galardón conO Cabodano. De1973 é a súa obra de teatro infantilO roubo do aparello, coa que gañou a primeira edición do Concurso de Teatro Infantil O Facho. En 1975 publicou a farsaA sonada e proveitosa enchenta do marqués Ruchestinto no derradeiro século da súa vida. En1976 publica as obrasO cabodano,Cousas da morte eA sombra do bon cabaleiro nun único volume. Mais entre1977 e1987, por causas descoñecidas, deixou de crear novas pezas. Volvería a facelo en1988, mais só teatro infantil ata1989, data en que publicaAzos de esguello (peza coa que gañou o Premio Álvaro Cunqueiro). De1990 data a súa obraUnha macana de dote. En2003 publicou o ensaioXogo de máscaras. Escritos sobre teatro galego

Foi presidente daAsociación de Escritores en Lingua Galega e director das galerías de arte Torque e Citánia. Foi elixido membro daReal Academia Galega en marzo de2005, e foi Arquiveiro-bibliotecario da institución entre 2010 e 2013. Foi profesor naUniversidade de Santiago de Compostela até a súa xubilación.

Euloxio Rodríguez Ruibal é un dos dramaturgos máis frutíferos en lingua galega. Como acontece con outros autores daNova Dramaturxia Galega (terminoloxía usada seguindo aManuel F. Vieites e non aManuel Lourenzo eFrancisco Pillado), a súa obra está claramente marcada poloteatro épico do xermanoBertolt Brecht, utilizando igualmente o recurso doefecto de distanciamento, propio da dramática do alemán. Na obra de Ruibal, pois, como na do resto de autores dogrupo Abrente, existe a expresa vontade de conectar co teatro das máis sobranceiras correntes da vangarda europea, sen descoidar a tradición galega. Por isto, achamos na dramática deste autor a influencia de escritores do país, comoAlfonso Daniel Rodríguez Castelao eEduardo Blanco Amor.Algunhas das obras obras de creación máis importantes de Euloxio R. Ruibal son as seguintes:

• Zardigot (1973, publicada en1974,Galaxia).
• O roubo do aparello (1973, traducida ao catalán por Jordi Coca co título deUn Invent Extraordinari).
• O cabodano (1975, publicada en1976, Pico Sacro).
• A sonada e proveitosa enchenta do Marqués Ruschetino no derradeiro século da súa vida (1975, Pico Sacro).
• As falcatrúas do Marqués Patacón (versión libre do anónimo medievalLa farce de Maître Pathelin).
• O cabodano. Cousas da morte. A sombra do bon cabaleiro (1977, Pico Sacro).
• Azos de esguello (1990,Xerais).^[1]
• Brinquemos ó teatro (1990,Xunta de Galicia). Traducido ao castelán no1997 en Ediciones de la Torre comoJugamos a hacer teatro: recursos teatrales.^[2]
• Unha macana de dote (1990,Sotelo Blanco).
• Teatro mínimo (1991,Cadernos da Escola Dramática Galega).
• O Son da buguina (1999,Tris Tram).
• Minimalia. 20 pezas de teatro breve (2004Universidade da Coruña).
• Namberguán: guión de cinema (2008,Laiovento).
• Labirinto da memoria: friso contemporáneo (2010,Toxosoutos).

• De corpo enteiro (1994, Xerais).
• A fonte de Ana Manana (1994,Contos do Castromil).
• Casarriba (2000,Espiral Maior).

• Teatro infantil (1988,Ediciós do Castro).
• A fantástica viaxe de Sabela (1992, Xerais).
• Teatro infantil e xuvenil (1992,Biblioteca 114,Editorial Compostela).

• Compostela na historia (2000,A Nosa Terra).
• Xogo de máscaras: escritos sobre teatro galego (2003, Espiral Maior).
• Do escénico e o fílmico: notas sobre a linguaxe teatral no cinema contemporáneo (2006, Real Academia Galega).
• Valle-Inclán e o teatro galego: a recepción da obra dramática de Valle-Inclán na dramaturxia galega (1916-1973) (2006, Tris Tram).
• Escena aperta. Escritos sobre teatro (2009, Laiovento).

• Caderno de Ordes (2012, Toxosoutos).

• Homenaxe aLuís Seoane (1977).
• Polos camiños da literatura: escritores galegos doPEN (1993, Xunta de Galicia/PEN Clube).
• Tentativas sobreDieste (1995, Sotelo Blanco).
• Unha liña no ceo (58 narradores galegos1979-1996) (1996, Xerais).
• Maremia,O circo da medianoite, deManuel Lourenzo eAs actas escuras, deRoberto Vidal Bolaño (1997,AS-PG/A Nosa Terra).
• Poetas e narradores nas súas voces. Vol 2 (2006,Consello da Cultura Galega).

Destaca na obra de Ruibal un gran número de textos dramáticos de curta extensión.

• Premio Abrente de teatro en 1973, porZardigot.
• Premio Abrente de teatro en 1975, porO cabodano.
• Gañador da primeira edición do Concurso de Teatro InfantilO Facho no 1974, porO roubo do espello.
• Premio Álvaro Cunqueiro no 1989, porAzos de esguello.
• Premio Valle-Inclán daDeputación de Pontevedra no2005, porValle-Inclán e o teatro galego: a recepción da obra dramática de Valle-Inclán na dramaturxia galega (1916-1973).
• AAsociación de Escritoras e Escritores en Lingua Galega (AELG) outorgoulle en2024 o galardónO Escritor na súa Terra - Letra E.^[3]

Wikimedia Commons ten máis contidos multimedia na categoría:  Euloxio R. Ruibal

• Entrevista de Literatura Galega do S.XX do alumnado do IES Manuel García BarrosArquivado 26 de febreiro de 2014 enWayback Machine.

• Membros de número da Real Academia Galega
• Arquiveiros/Bibliotecarios da Real Academia Galega
• Dramaturgos en lingua galega
• Nados en Ordes
• Nados en 1945