Santiago de Compostela-Daniel Castelao
Santiago de Compostela
Instancia de estación de ferrocarril
Estado de uso en funcionamento
Instalacións aparcadoiro baño público
Persoas e organizacións
Operador/a Renfe Operadora
Propietario/a Adif
Transporte
Servizo de conexión Alvia Avant Arco, Renfe
Código de estación 31400
Estación adxacente Estación de Ordes
Liñas ferroviarias liña Redondela - Santiago de Compostela eixe atlántico de alta velocidade liña Zamora - A Coruña liña de alta velocidade Olmedo-Zamora-Galicia
Número de plataformas 5
Número de beiras 3
Localización
Situado en Santiago de Compostela, provincia da Coruña, Galicia, España Mapa  42°52′15″N8°32′41″O / 42.87078,-8.54472
Wikidata C:Commons

Aestación de Santiago de Compostela-Daniel Castelao é unha estación de tren deAdif situada na cidade deSantiago de Compostela. Ten servizos de longa e media distancia operados porRenfe.

En2010 recibiu 1.771.974 pasaxeiros, sendo a estación con maior número de viaxeiros de todaGalicia.^[1]

A estación atópase no punto quilométrico 378,811 da liña férrea deancho ibérico que uneZamora eA Coruña a 218 metros de altitude.^[2] Tamén forma parte da liña férrea deancho ibérico que uneRedondela conSantiago de Compostela, punto quilométrico 92.^[3]

Ademais a estación intégrase naliña de alta velocidade Olmedo-Zamora-Galicia, concretamente no tramos Santiago-Ourense operativo dende2011^[4], e noeixe atlántico de alta velocidade.

A chegada do ferrocarril a Santiago vai unido á primeira liña férrea posta en funcionamento en Galicia que uníaCornes coCarril e que se prolongaría pouco despois ataPontevedra. Construíuse así a estación de Santiago-Cornes inaugurada o15 de setembro de1873 por parte da The West Galicia Railway Company empresa británica que lograra a concesión da liña en 1866 tras comprar a compañía do Ferrocarril Compostelán da Infanta Dona Isabel.^[5] En 1928,MZOV absorbeu a compañía inglesa para ser á súa quenda absorbida polaCompañía Nacional dos Ferrocarrís do Oeste un ano despois. En 1941, a nacionalización do ferrocarril enEspaña integrou todas as compañías existente na recentemente creadaRenfe.

O14 de abril de1943, coa apertura da liña férreaA Coruña-Santiago de Compostela que máis tarde se integraría dentro da liña Zamora-A Coruña, Renfe pechou a estación de Cornes e abriu o actual edificio.^[6]

Desde o 31 de decembro de 2004Renfe Operadora explota a liña mentres queAdif é a titular das instalacións ferroviarias.

O10 de decembro de2011 inaugurouse o tramo Santiago de Compostela-Ourense como parte da futura liña de alta velocidadeOlmedo-Zamora-Galicia.^[4] En abril de2015 quedou inaugurado oeixe atlántico de alta velocidade que uneA Coruña eVigo pasando por Santiago.^[7]

O24 de xullo de2013 no lugar deAngrois (Sar), a dous quilómetros da estación tivo lugar o accidente de tren máis grave da historia deGaliza e por vítimas oficiais, tamén o máis grave da historia deEspaña por descarrilamentoferroviario nunha curva fechada por mor, en principio, dunha velocidade excesiva do convoi. Polo menos 80 persoas faleceron no incidente. O pavillón Fontes do Sar utilizouse comotanatorio provisional pola gran cantidade de finados. O medios de comunicación nacionais e internacionais loaron a resposta dos veciños de Angrois, os servizos de Compostela e dos cidadáns de Galiza en xeral por contribuír nos labores de rescate e axuda.^[8]

Está situada na zona sueste da cidade, a 1 quilómetro da catedral e da autoestradaAP-9, preto dorío Sar.

Fiel ao estilo das estacións da zona o edificio segue o esquema dunpazo. Componse dun pavillón central de dous pisos flanqueado por dúas ás laterais que nos seu extremos posúen dúas torres de planta cadrada. O conxunto é asimétrico dado que mentres unha das torres alcanza os tres pisos, a outra apenas supera a altura das ás laterais. A fachada principal está decorada por un soportal formado por unha galería de cinco arcos frontais e 2 laterais.

Componse de tres plataformas, unha lateral e dúas centrais ás que acceden cinco vías. Todas elas están protexidas por unha marquesiña metálica de dúas vertentes de considerables proporcións e de difícil integración no conxunto. Fóra do seu alcance quedan máis vías de servizo destinadas a carga, apartado ou garaxe. Os cambios de plataforma realízanse grazas a pasos subterráneos.

Conta con atención ao cliente, punto de información, venda de billetes, aseos, cafetería e alugueiro de coches. Toda o recinto está adaptado para as persoas con minusvalía. No exterior atópase un amplo aparcadoiro e unha parada de taxis.

Actualizados a 14 de febreiro de 2023.

Actualizado a 14 de febreiro de 2023

Wikimedia Commons ten máis contidos multimedia na categoría:  Estación de Santiago de Compostela-Daniel Castelao

• Lista de estacións de tren de Galicia

• Información na web de Adif

• Estacións de tren da provincia da Coruña
• Estacións de alta velocidade de España
• Santiago de Compostela

• Wikipedia:Páxinas que usan sintaxe desbotada para as imaxes
• Mapas con varias figuras
• Wikipedia:Páxinas con mapas