| Tipo | competición deportiva |
|---|---|
| Deporte | rugby a 15 |
| Número de participantes | 16 |
| Localización e Datas | |
| País | Reino Unido |
| Vixencia | 1972 – |
| Calendario da tempada | novembro – |
| Período de ocorrencia | 1 ano |
| Outro | |
| Páxina web oficial | lv.com… |
AAnglo-Welsh Cup, (Copa Anglo-Galesa en galego), chamadaLV = Cup por razóns publicitarias, é unha competición anual derugby organizada polaFederación Inglesa de Rugby na que compiten os 12 clubs ingleses daAviva Premiership e os 4 clubs galeses daRabodirect Pro12.
O torneo comeza a principios de novembro e remata a finais de marzo. As datas nas que se disputan as semifinais e a final coinciden coas datas da disputa doTorneo das Seis Nacións, de xeito que os equipos adoitan ter ausencias destacables nas súas ringleiras.
Malia isto, o que fai que esta competición sexa atractiva para os seareiros e para os clubs participantes, é que o equipo gañador do torneo obtén unha praza para participar na tempada seguinte daHeineken Cup, a máxima competición continental.
A competición orixinal comezou na tempada 1971/72 só entre clubs ingleses, e cun formato de eliminatorias directas. Foi o primeiro torneo oficial entre clubs existente enInglaterra, e podían participar nel tódolos clubs do país. Hoxe o formato do torneo é moi diferente, e está formado por unha primeira fase de liga na que hai 4 grupos con 4 equipos en cada un, e unha segunda fase na que os primeiros de cada grupo xogan entre si as 2 semifinais e a final.
Por mor dos patrocinadores, o torneo tense coñecido con varios nomes:
O formato de eliminatorias directas desapareceu cando se introduciu a participación dos 4 equipos profesionais deGales, e que participaron por vez primeira no torneo na tempada 2005/06.
Os clubs que máis éxito tiveron nesta competición sonBath Rugby, con 10 vitorias en 11 finais, eLeicester Tigers, con 7 vitorias en 13 finais. Son os equipos con máis vitorias e tamén con máis presenzas na final.
O título da temporada 1981/82 foi compartido porGloucester e Moseley que fixeron táboas a 12 na final.
