Sa paj ka konsèrné lannen1300 dikalandriyé julyen.
- Sakoura, rwa di Mali, sa asasiné asou kot-a di Tadjourah pa roun géryé danakil lò di so routour di Mecque. Disnati-a dé Keïta ka roupran pouvwè-a o Mali. Gaou Keïta ka divini rwa di Mali (finisman an 1305).
- 22 jen : Kumarakassapa, an ègzil an Chin, sa proklamé rwa di Birmani. À lotonm-an, Mongol-ya ka entèrvini an Birmani é ka dévasté péyi-a anba prétèks di « rétabli lòrd-a » parmi prens birman-yan ka dispité tronn-an vakan.
- 6 janvyé : Charles di Valois ka anvayi Flandre à èspirasyon-an di trèv-a di 1297.
- 22 févriyé : Boniface VIII ka déklaré sa lannen kou lannen joubilè. A roun immans siksè à léchèl di Léròp. Ronm ka rousouvwè 200 000 pélren (soulon kronikò floranten Giovanni Villani). Rémisyon konplèt dé péché sa akòrdé à sa ki ké vizité andéyan kenz jou konsékitif tonbo-ya dé zapot Pierre é Paul (andéyan 30 jou pou Ronmen-yan).
- 8 mè : rédisyon di Gan à Charles di Valois. Kont-a di Flandre Gui di Dampierre sa kaptiré é mété an prizon pa rwa Philippe le Bel.
