Sa paj ka konsèrné lannen1095 dikalandriyé julyen.
- Endépandans di dinasti-a Sena o Bengal (finisman an 1204).
- 26 févriyé : Seldjoukid-ya Tutuş sa briga é tchwé annan roun briga prè di Rey kont so névé Barkyaruq. So tiboug Ridwan ka siksédé li kou rwa d’Alep (finisman di règn an 1113). Dè so rivé o pouvwè, i ka fè tranglé Dé di so jenn frè-ya, di pè ki yé ka dispité li roun pouvwè-a. Dukak, trwazyenm-an ka parvini à chapé di sitadèl-a d’Alep alò ki èsklav-ya di Ridwan té ka tanté di tranglé. I ka réfijyé so kò atè Damas, don garnizon-an ka proklamé li rwa, é ka vwé dézòrmè roun laenn enplakab pou so frè (finisman di règn an 1104).
- 1e mars-7 mars : pap-a Urbain II ka rantré annan Ronm aprè ki li afèrmi so pouvwè, ka konvoké oun konsil atè Plézans, koté roun anbasad bizantin d'Alexis Ie Comnène ka vini roukéri lèd-a di gèryé ògsidantal pou lité kont Tirk-ya seldjoukid. Pap-a ka ankourajé sa doumann.
