Severodvinsk (Russysk: Северодвинск) is in grutte stêd yn deRussyskeoblastArchangelsk. De stêd leit oan deWite See by de delte fan deNoardlike Dvina en sa'n 35 kilometer westlik fan de stêdArchangelsk.
Op it plak fan de stêd leit al sûnt 1419, it jier dat it foar it earst yn de Russyske kroniken neamd wurdt, itNikolo-Korelski kleaster. Op 24 augustus 1553 gyng in Ingelsk skip foar anker by it doarpNjonoska. It skip socht om in noardeastlike rûte neiSjina enYnje. Kapitein Richard Chancellor gyng nei Moskou foar in moeting meiIvan de Grousume en sa ûnstiene de earste diplomatike relaasjes fan Ruslân meiGrut-Brittanje. Foar it kleaster oer op it eilang Jagry waard in ankerplak mei pakhûzen en wenten boud foar it lossen fan de skippen en it oerladen fan guod op lytsere skippen, dy't de ladingen nei Cholmogory brochten. Fan dêr wei waarden de saken fierder Ruslân yn transportearre.
Yn 1584 waard de stêdNovocholmogory stifte, sûnt 1613 bekend ûnder de namme Archangelsk en stadichoan mei de groei fan Archangelsk rekke it kleaster en de haven syn eardere kommersjele belang kwyt. It kleaster waard yn 1921 troch de bolsjewiken opheft, mar de katedraal stiet der noch.
De hjoeddeiske stêd waard yn 1936 mei in dekreet fanJoazef Stalin boud. It doel wie in werf oan te lizzen foar de noardlike float fan de Sovjet-marine. De earste wurklju kamen yn juny 1936 tichte by it kleaster oan. Nei de foltôging fan it spoar yn novimber 1936 sette de oanlis fan de werf útein.
Lykas yn in soad oare gebieten yn Noard-Ruslân en Sibearje fûn ek hjir it wurk plak troch twangarbeid fan tûzenen finzenen út deGûlag. Fral út it net fier ôflizzende kamp Jagrinski-ITL mei sa'n 30.000 (neffens guon boarnen wol 50.000) finzenen waarden arbeiders helle. Rûsd wurdt dat by de oanlis fan de stêd tusken 1936 en 1953 sa'n 25.000 finzenen stoaren. De finzenen leine in haven oan, kapten hout en leine diken oan en bouden fabriken en wenkompleksen.
De stêd waard ferneamd neiVjatsjeslav Molotov (1890-1986), fral bekend troch itMolotov-Ribbentroppakt en ek meiferantwurdlik foar deHolodomor en deGrutte Terreur fan de jierren 1930. Yn de Twadde Wrâldkriich wie Molotovsk (Молотовск) in wichtige haven foar alliearde transporten.
Op 12 septimber 1957 krige de stêd de tsjintwurdige namme, dy't ferwiist nei de lokaasje fan de stêd oan de Noardlike Dvina.
Severodvinsk is in wichtige basis foar atoomdûkboaten, dy't dêr ek boud en reparearre wurde. Yn 2006 waard útein set mei de bou fan in driuwende kearnsintrale, de earste fan 'e wrâld.
| Jier | Ynwenners |
|---|
| 1939 * | 21.304 | | 1959 * | 78.657 | | 1962 | 97.000 | | 1967 | 121.000 | | 1970 * | 144.672 | | 1973 | 160.000 | | 1976 | 177.000 | | 1979 * | 197.232 |
| | Jier | Ynwenners |
|---|
| 1982 | 161.000 | | 1986 | 234.000 | | 1989 * | 248.670 | | 1992 | 249.800 | | 1996 | 238.700 | | 1998 | 233.800 | | 2002 * | 201.551 | | 2010 * | 192.353 |
| |
(* = Folkstellingen)
| Boarnen, noaten en/as referinsjes: |
Dizze skiednis fan de stêd is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis:de:Sewerodwinsk
|
