Insersjant-ynstrukteur (ek wol bekend ûnder deIngelske termdrill sergeant) is inûnderofsier yn 'estriidkrêften, dy't as spesifike funksje itûnderrjocht fan 'erekruten hat. It is de taak fan sokke ynstrukteurs om nijesoldaten de gewoanten en praktiken fan itmilitêre libben oan te learen, lykasmilitêre dissipline, hoe't en wannear't menacht jaan ensaluëarje moat en de juste wize om inofsier oan te sprekken.
Ynstruksje troch in sersjant-ynstrukteur giet der faak net botte sêftsinnich oan ta, hoewol't der ek gjinfysykgeweld oan te pas komt. Der wurdt lykwols hiel wat ôfsnaud en -raasd, en de rekruten wurde faak fan begjin ôf oanyntimidearre. It tinken is dat militêre dissipline en yn 't bysûnder de reewilligens om daliks eltswettich befel op te folgjen dat jûn wurdt troch in militêr fanhegere rang, der by nije soldaten mentaal ynstampt wurde moat, om't soks in ûnmisber ûnderdiel is fan it goed funksjonearjen fan eltsekriichsmacht.
Itselde jildt foar militêre oefenings op it mêd fanbewapene sawol asûnbewapene gefjochtstrening, dêr't sersjants-ynstrukteur faak ek ferantwurdlik foar binne. Dy binne bedoeld om 'emanskippen op it slachfjild yn libben te hâlden trochdat se dogge wat se dwaan moatte (bgl. dekking sykje) sûnder dat se dêr earst noch oer nei hoege te tinken. Troch sokke dingen oan nije soldaten by te bringen, wat oan 'e kant fan dy soldaten faak mank giet mei in soadpine enwurgens, meitsje sersjants-ynstrukteur har oer it algemien net botte populêr by de manskippen.
Itpersonaazje fan 'e bikkelhurde sersjant-ynstrukteur komt geregeldwei foar ynHollywoodproduksjes. Bekende foarbylden binneakteurLouis Gossett jr. as sersjant-ynstrukteur Emil Foley ynAn Officer and a Gentleman, út1982, mei yn 'ehaadrolRichard Gere, enGregory Hines as sersjant-ynstrukteur Cass yn 'eRenaissance Man, út1994, mei yn 'e haadrolDanny DeVito.R. Lee Ermey, dy't yn teminsten fiif rollen in sersjant-ynstrukteur spile (wêrûnder sersjant-ynstrukteur Hartman ynFull Metal Jacket, út1987), wie yn it echte libben fan1965 oant1967 ek wier in sersjant-ynstrukteur yn itAmerikaanske Marinierskorps.
| Boarnen, noaten en/as referinsjes: | ||
Foar boarnen en oare literatuer, sjoch ûnder:References, op dizze side.
|
