| Nolwenn Leroy | ||
 sjongeren/of muzikant | ||
 | ||
| Nolwenn Leroy yn 2013 | ||
| persoanlike bysûnderheden | ||
| echte namme | Nolwenn Le Magueresse | |
| nasjonaliteit |  Frânsk | |
| berne | 28 septimber1982 | |
| berteplak | Saint-Renan (Bretanje) | |
| etnisiteit | .svg) Bretonsk | |
| wurkpaad | ||
| sjenre | pop,folksmuzyk,Keltysk | |
| sjongtaal | Frânsk,Bretonsk,Ingelsk,Iersk | |
| ynstrumint | stim,fioele,piano | |
| grutste hit(s) | Cassé Nolwenn Ohwo! | |
| jierren aktyf | 2002 – no | |
| offisjele webside | ||
| nolwennleroy.artiste.universalmusic.fr | ||
Nolwenn Leroy (Frânskeútspr.: [nolˈwɛn ləˈʁwa], likernôch: "nól-ûen luh-chwa"; echtenamme:Nolwenn Le Magueresse;Saint-Renan,28 septimber1982) is inFrânsksjongster,muzikante,lietsjeskriuwster enstimaktrise fanetnyskBretonskkomôf. Hoewol't se oarspronklik inoplieding yn 'eklassike muzyk folge, waard se bekend as sjongster fanpopmuzyk yn it twaddeseizoen fan 'e Frânsketalintejacht op 'etillefyzjeStar Academy. Sûnt skoarde se twa nûmer 1-hits en brocht se achtstudio-albums út (teljier2023). Har albumBretonne, út2012, waardsertifisearre as twarisdiamant. Leroysjongt sawol yn harmemmetaal, itBretonsk, as yn itFrânsk, itIngelsk en út en troch yn oaretalen, lykas itIersk. Yn2015 parteLe Journal du Dimanche har it santjinde plak ta op 'e ranglist fanpopulêrste bekende persoanen yn Frankryk.
Leroy waard yn1982 as Nolwenn Le Magueresseberne ynSaint-Renan, yn itFrânske departemintFinistère, oan 'e útein fan itskiereilânBretanje. Hja is dedochter fanproffuotballerJean-Luc Le Magueresse en dy synfrou Muriel Leroy. Om harheitekarriêre te skewielen,ferfearen harâlden yn1986 út Bretanje wei en namen de lytse Nolwenn mei. Nei't se ynParys,Risel enGuingamp wenne hiene, sette harmem har úteinlik mei Nolwenn en dy harsuster Kay nei wenjen ynSaint-Yorre, yn sintraal Frankryk, dêr't se bypake en beppe Leroy ynloeken. Yn1993skieden Nolwenn har âlden.
Leroy genoatûnderwiis oan it Collège des Célestins ynVichy. Doe't se alve jier wie, murk harmuzyklearaar hartalint op en fitere har oan omfioelles te nimmen. Mei trettjin jier wûn Leroy yn1995Les écoles du désert ("De Skoallen fan 'e Woastyn"), in muzikalekompetysje dy'tsponsore waard troch desupermerkkeatlingCora. Dat stelde har by steat om mei te gean op in humanitêre misje neiMaly, dêr't se û.m.Gao enTimboektoe besocht. Letter soe se sizze dat dyreis in djippe yndruk op har makke hie.
Ynjuly1998, doe't se sechstjin jier wie, wûn Leroy instúdzjebeurs fan 'eRotaryklub fan Vichy om in jier asútwikselingsstudinte neiHamilton, yn 'eKanadeeskeprovinsjeOntario, te gean. Under har ferbliuw dêre learde se harsels floeiendIngelsk te sprekken. Nei't se weromkeard wie yn Frankryk begûn Leroy mei it folgjen fan lessen ynklassikesjongkeunst oan itkonservatoarium fan Vichy. Yn2001 sette se dêrnjonken útein mei instúdzjerjochten oan 'eUniversiteit fan Clermont-Ferrand ynClermond-Ferrand, om wat te hawwen om op werom te fallen as it neat wurde soe mei har muzikalekarriêre.
Yn2001 seach Leroy it earsteseizoen fan 'etalintejachtStar Academy op 'e FrânsketillefyzjestjoerderTF1. Hja rekke ûnder de yndruk fan ien fan 'esjueryleden, de sjonglearaarArmande Altaï, en besleat om in healjier ynParys sjonglessen by syn skoalle te folgjen. Fia dy konneksje waard Leroy yn2002 selektearre foar it twadde seizoen fan ittillefyzjeprogramma. Tagelyk krige se de rol fan Scarlett O'Hara oanbean yn 'e nijemusicalAutant en emporte le vent (deFrânsktalige ferzje fanGone with the Wind), mar se besleat te kiezen foar de talintejacht. Sadwaande bejoech se har einaugustus2002 nei itkastielDammarie-lès-Lys, dêr't it programma opnommen waard. Se besleat defamkesnamme fan har mem, Leroy, asartystenamme oan te nimmen. Op it kastiel folge se de folgjende fjouwermoannen foar dekamera'saktear-,dûns- en sjonglessen. Yn 'efinale op21 desimber fersloech seHoucine Camara en wûn se de kompetysje.
No't se bekend wurden wie, brocht Leroy ynmaart2003 har earstealbum meipopmuzyk út, dat se nei harselsNolwenn neamde. Tsjinnovimber wie datsertifisearre as inplatina plaat. Yn2006, doe't der mear as 600.000 eksimplaren fan ferkocht wiene, waard it sertifisearre as twaris platina. Behalven it album sels die ek desingleCassé it poerbêst en berikte it earste plak yn 'ehitlisten yn sawol Frankryk asWalloanje, en it twadde plak ynSwitserlân. Fan itselde album waarden noch trije oare singles útbrocht,Une femme cachée,Suivre une étoile enInévitablement, wêrfan'tSuivre une étoile it fierwei it bêste die. Leroy gie ein2003 optoernee troch Frankryk, Walloanje enRomanje, it Frânsktalige diel fan Switserlân.
Har twadde album,Histoires naturelles, broch Leroy yndesimber2005 út. De singleNolwenn Ohwo! waard in grut súkses en insulveren plaat. It album sels wie platina yn Frankryk engoud ynBelgje. Har folgjende album,Le Cheshire Cat et moi, waard troch Leroy yn gearwurking mei deFêreuske muzikantTeitur Lassen skreaun en opnommen ynSweden en op 'eFêreu-eilannen. It album, dat neffensmuzykkritisy "in lichtere klank" hie as har eardere albums, die it minder goed asNolwenn enHistoires naturelles.
Nei in nij toernee brocht Leroy yndesimber2010 har fjirde studio-album út, mei astitelBretonne ("Bretonse", d.w.s. "in frou út Bretanje"). Sa't de namme al suggerearret, hiene de meastelieten op it album te krijen mei Leroy har heitelânBretanje. Sa stiene dercoverferzjes op fan tradisjoneleKeltyske lieten lykasMná na h-Éireann,Tri Martolod enLa Jument de Michao, mar ek fan kontemporêne poplieten, lykasBrest fanChristophe Miossec. Fan 'e lieten op it album wiene fjouwer yn itBretonsk (Tri Martolod,Suite sudarmoricaine,Bro Gozh ma Zadoù enKarantez Vro) en ien yn itIersk (Mná na h-Éireann).
Bretonne stie sân wiken efterinoar boppe-oan yn 'e Frânske albumlisten en fiif wiken yn dy fan Walloanje. Yn Frankryk waard it album sertifisearre as twarisdiamant, mei't der mear as in miljoen eksimplaren fan ferkocht waarden. Ynnovimber2011 waard inDeluxe Edition fanBretonne útbrocht mei sân ekstraIngelsktalige covers, wêrûnderAmazing Grace,Scarborough Fair enMoonlight Shadow. De Amerikaanske ferzje fanBretonne waard ynjannewaris2013 ûnder de titelNolwenn útbrocht en berikte it tsiende plak op 'e toanoanjaande World Album Chart fan ittydskriftBillboard. Leroy gie dat jiers op toernee troch Frankryk, Belgje, Switserlân,Dútslân en deFeriene Steaten.
Fan Leroy har letter albums,Ô filles de l'eau (2012),Gemme (2017),Folk (2018) enLa Cavale (2021), dieÔ filles de l'eau it it bêste. Dêrfan waarden yn Frankryk 350.000 eksimplaren ferkocht, wat it ta inplatina plaat makke.Gemme enFolk bleaune stykjen opgoud, wylstLa Cavale gjinsertifikaat fan muzykferkeap helle.
Yn2014 waard Leroy har albumBretonne nominearre foar inWorld Music Award yn 'ekategory wrâlds bêste album. Sels waard se nominearre foar deprizen foar wrâlds bêsteentertainer, wrâlds bêste froulikeartyst en wrâlds bêste live-act. Datselde jiers song Leroy it BretonskefolkslietBro Gozh ma Zadoù foar inpublyk fan 80.000 man yn itStade de France yn Parys en op 'e nasjonale tillefyzje opFrance 2, foar defuotbalfinale om 'eCoupe de France tusken twa Bretonske klubs,Stade Rennais F.C. enEA Guingamp. Yn2015 gie se wer op toernee, wêrby't se diskear ek ôfreizge nei de oare kant fan 'e wrâld, om optredens te fersoargjen ynNij-Kaledoanje enFrânsk-Polyneezje. Op27 novimber fan dat jier naam Leroy meiCamélia Jordana enYael Naim diel oan 'ebetinking fan 'eslachtoffers fan 'eterroristyskeoanslaggen fan 2015 yn Parys. Hja song dêrby it lietQuand on n'a que l'amour, fanJacques Brel.
Njonken har wurk as sjongster, is Leroy út en troch ek aktyf asstimaktrise, benammen by de Frânsktaligeneisyngronisaasje fan bûtenlânsketekenfilms.
Leroy hat sûnt2008 inrelaasje meiArnaud Clément, in rêstend Frânsk profesjoneeltennisser. Behalven foarmuzyk hat se ek oanlis foarhynstesport. Se besit inhynder dat El Aberkan hjit en hat ferskate kearen har feardichheden op it mêd fanhynsteriden enhynstespringen op 'e Frânske tillefyzje sjen litten. Leroy docht ek in protte oangoeddiedichheid. Sa joech se har yn2006 by de groepLes Enfoirés, dy't muzyk útbringt wêrfan't deopbringst nei itgoede doel giet. Ek is se belutsen by deFondation Abbé Pierre, dy't opfang foardakleazen besiket te beävensearjen.
| jier | titel | resultaat |
|---|---|---|
| 2003 | Nolwenn |  (2 ×platina).svg)  (platina)  (goud) |
| 2005 | Histoires naturelles | (platina)(goud) |
| 2009 | Le Cheshire Cat et moi | (goud) |
| 2010 | Bretonne (yn 'eFeriene Steaten útbrocht asNolwenn) |  (2 ×diamant)(2 × plantina) (goud) |
| 2012 | Ô filles de l'eau |  (3 × platina)(goud) |
| 2017 | Gemme | (goud) |
| 2018 | Folk | (goud) |
| 2021 | La Cavale | n.f.t. |
(de sjongtaal isFrânsk as it net oars oanjûn stiet)
| Filmografy as stimaktrise | |||
| jier | titel | rol of funksje | opmerkings |
|---|---|---|---|
| films | |||
| 2012 | Rise of the Guardians | deToskefee | Frânsktaligeneisyngronisaasje |
| 2013 | Lady Ô | de ferhaleferteller | |
| 2014 | Song of the Sea | Bronagh | Frânsktalige neisyngronisaasje |
| Boarnen, noaten en/as referinsjes: | ||
Foar boarnen en oare literatuer, sjoch ûnder:References, op dizze side.
|
