| Monique Knol | ||
 sporter | ||
 | ||
| Monique Knol meiBart de Graaff ein jierren '90 | ||
| persoanlike bysûnderheden | ||
| nasjonaliteit |  Nederlânsk | |
| bertedatum | 31 maart1964 | |
| berteplak | Wolvegea | |
| etnisiteit |  Frysk | |
| lingte | 168 sm | |
| sportive ynformaasje | ||
| sport | Hurdfytsen | |
| ûnderdiel | Dykhurdfytser | |
| earste titel | Nederlânsk Kampioen 1988 | |
| O.S. | Seoel 1988,Barselona 1992 | |
| debút | 1988 | |
| karriêre-ein | 1996 | |
| wichtige prestaasjes | ||
 1xgoudOlympyske Spullen 1988 | ||
Monique Knol (Wolvegea,31 maart1964) is in eardereFryskhurdfytster.
Hja bruts troch yn1988 doe't se Nederlânsk kampioene op de dyk waard. Dochs wie hja noch in relative ûnbekende, de ferrassing en de blydskip wiene dan ek grut doe't se by deOlympyske Spullen ynSeoel de dykwedstriid wûn. Yn in lange sprint fersloech hja deDútske Jutta Niehaus en Laima Zilpirìte út deSowjetuny. Knol wie de earste Nederlânske medaljewinner by it hurdfytsen foar froulju, dat yn 1988 pas foar de twadde kear op it Olympysk program stie.
Twa jier letter waard Monique Knol ynUtsunomiya (Japan) wrâldkampioen mei de Nederlânske ploech op de 50 km ploegetiidrit. Fan dy ploech makke ek in nij talint diel út:Leontien van Moorsel. Dy soe yn lettere jierren Knol efter har litte en soe der in sekere rivaliteit tusken beiden ûntstean. Yn1992 like Van Moorsel, dy't doe wrâldkampioene wie en krekt deTour Féminin wûn hie, de favorite by de dykwedstriid fan deSpullen ynBarselona. De gearwurking yn de Nederlânske ploech woe net echt en úteinlik wie it Knol dy't der mei in brûnzen medalje derfan troch gie.
Monique Knol wûn tolve etappes yn de Tour Féminin. De koers dy't har it bêste lei wie dy fan Tjejtrampet ynSweden, dy't hja fjouwerris wûn. Hja hâlde op mei har hurdfytskarriêre yn1996, hja makke in koarte comeback yn2002 en wie ûnder oare trainer fan de Najonale Junior-froulju seleksje. Tsjintwurdich beöefenet hja dedressuersport.
Op15 july2008 liet Knol yn itAVRO-tv-programmaVinger aan de Pols witte dat se harsels hast letterlik stikken trainde om meidwaan te kinnen oan deOlympyske Spullen.[1]
Yn2010 die Knol mei oan itAVRO-programmaEeuwige roem. Hja wie dêryn yn de earste ôflevering útskeakele.
Knol wennet tegearre mei har eardere trainer/ploechlieder Wim Kruis. Hja hawwe in dochter.
| Boarnen, noaten en/as referinsjes: |
|