It begûn as in besykjen fan deKristenen om Moslims út de hillige stêdJeruzalim te ferdriuwen, mar al gau waarden it wiidweidige oarloggen tsjin oarsleauwenden, yn itHillige Lân en omkriten, mar ek yn Jeropa. Ek neitiids waard in protte en faak striden út namme fan deTsjerke. Al op de Earste Krústocht waarden der ekkrúsfarderssteaten stichte.
Oan de krústochten hawwe de Friezen fol fjoer meidien. Fan de earste tocht is ûnbekend, mar by de twadde tocht tusken1147 en1149 sieten Friezen by dy't meiholpen by de oermastering fan Lissabon op deMoaren. Sûnt de tredde krústocht (1189-1191) oant de sânde (1270) hawwe de bewenners fan de noardlike kustgebieten der hieltyd yn grutte oantallen by west. Yn de tredde tocht wienen sy belutsen by it belis fan Akko en yn1197 loeken se op 'e nij rjochting it Hillige lân, diskear ûnder lieding fan biskopHartwich fan Bremen. Fral by de fiifde krústocht (1217-1221) dy't de dielnimmers nei de Nyldelta fanEgypte fierde, bouden de Friezen grutte faam op.
Opmerklik dêrby wie dat de Friezen, ek al wienen hja faak út ferskillende Fryske goaen ôfkomstich, hieltyd by alle krústochten meiïnoar oplutsen en ien oanfierder keazen.
