Yn de njoggentjinde iuw waard fakentiids materiaal fan in terrein besuden de eilânhaadstêdHeraklion brûkt ta it bouwen fan huzen yn dy stêd. Der waard fermoede dat dêr oerbliuwsels leinen fan it kolossaleMinoyske paleis fan Knossos. Yn1878 fûn archeoloochArthur John Evans it de muoite wurdich en ûndersykje hokker gebou hjir stien hie, foar't alle oerbliuwsels troch de huzebou weifage wêze soenen. Hy begûn mei opgravings by Knossos en al gau seach men dat op it terrein in Minoysk paleis stien hie, nei alle gedachten dat fan de legendaryskekeningMinos. By de opgravings waard it westlike part fan it paleis ûntdutsen, en dêrby waard in protte ierdewurk út dy tiid fûn.
