La famee di prodots di Windows e po jessi cussì classificade:
La prime version di Windows e je la 1.0 dal 1985, nassude come estension grafiche dalMS-DOS.Fin de prime version, Windows al permetè, contrariamentri al DOS, di eseguî plui operazions tal stes moment (multilavôr).Une version sucessive, simpri a 16 bits, e fo la 2.0, dal1987.Lis versions sucessivis a son la 3.0 dal1990, 3.1 dal1992 e 3.11 dal1993.
Windows 95 (1995),Windows 98 (1998) - cun la seconde edizion dal1999 clamade ancje Windows 98SE,Windows ME (2000).
- Windows NT 3.1 (1993)
- Windows NT 3.51
- Windows NT 4.0 (1996)
- Windows 2000 (1999)
- Windows XP (2001)
- Windows Server 2003 (2004)
- Windows XP Media Center Edition (2005)
- Windows Vista (2006)
- Windows Home Server (2007)
- Windows Server 2008 (2008)
- Windows XP Professional x64 Edition
- Windows Server 2003 x64 Edition
- Windows Vista x64
- Windows Home Server
- Windows Server 2008
- Windows 7
- Windows CE (cumòWindows Mobile)
- Windows XP Tablet PC Edition
I sistemis operatîfs de Microsoft a son il principâl obietîf dai scritôrs di virus informatics, par vie dal efiet combinât de grandissime difusion, de scjarse atenzion dimostrade fin vuê de aziende par la tematiche sigurece, e da lis scjarsissimis cognossincis dal utent medi, dai pericui derivants de conession di un PC a une rêt di estension mondiâl come Internet. Dome tai ultims agns, Microsoft e à produsût agjornaments leâts ae prevenzion (service pack 2 par Windows XP) e gnûfs prodots specifics par la sigurece, come il strument di rimozion malware par Windows.
Fin tai timps dal DOS a si fevele di alternativis al sisteme operatîf Windows, di scuasit vincj agns il plui doprât tal mont. Tai agns '80 i plui cognossûts a jerinOS/2 eAmiga; OS/2 al è un sisteme operatîf svilupât inizialmentri di Microsoft e IBM, cuâl alternative a Windows. Cu la fin de colaborazion jenfri lis dôs aziendis, il disvilup di OS/2 al è stât puartât denant de sole IBM, che no je rivade a concuistâ une grande cuote di marcjât. Il sisteme AMIGA al nas tal 1985 dai laboratoris Californians de Commodore, cun carateristichis ecezionâls par chei timps: sisteme operatîf multitasking, grafiche a colôrs (4096), il sun stereofonic, ecc. Tai agns novante al è stât fuart il dibatiment par lis causis de muart di cheste architeture. La Commodore stesse e je falide tal 1994 dopo di cuarante agns di ativitât tal setôr.
