De Vichipedie, la enciclopedie libare dute in marilenghe.
IAlemans a jerin une aleance di tribûs gjermanichis. Une des primis testemoneancis de esistence di chest insiemi di popui al è il cognomen Alamannicus assumût dal imperadôrCaracale (che al à regnât dal 211 al 217), che al à celebrât cussì la lôr disfate par sô man. La nature de aleance e lis afiliazions tribâls di prime a restin misteriosis pai storiografs. La lôr aleance e jere in dut câs di gjenar agressîf, indreçade cun tancj atacs aes provinciis deGjermanie Superiôr. Si riten che a vedin assumût tant che model dal lôr agjî iFrancs, la prime aleance di tribûs gjermanichis, che e veve fermât la penetrazion romane sul basRen prime di invadi la provincie deGjermanie Inferiôr.Vinçûts di Caracale sulMain, a àn rivât a tacâ insiemi cuiGôts la Italie dal Nord intal 268, cuant che a son stâts batûts sul lât Benacus (vuê il lât di Garde). A son stâts batûts di gnûf diProbi (277) e in maniere seguitive dalimperadôr Julian inte bataie di Strasburc (357).
Intal III e IV secul e je stade ancjemò une distinzion tra i Alemans eSvabis, cuant che chescj popui a son batûts diClodoveu I, une prime volte intal 476/477, e une seconde volte intal 506 cul copament dal rex Alamannorum. Di chest moment a àn pierdût cierts teritoris cu lis lôr popolazions, che a son lâts a formâ il nucli deSvabie. Cundut che no costituivin plui, di chest moment, une entitât politiche, la lôr impuartance etnografiche dentri des politichis dai Francs e daiOstrogôts e je restade impuartante.
Dopo il copament dal lôr re a àn tentât une aleance cui Ostrogôts. Si àn insediât sot la protezion dai Gôts part intal Nord Italie e part inte regjon tra ilLât di Costance e il trat alpin dalRen. Intal 537 il re Vitigje al à cedût ai Francs la Alemanie gotiche e di chest moment cheste e à fat part in maniere stabile dal ream dai Francs, cjapant po dopo buine part dal altiplan svuizar e variis regjons dal arc alpin.
Dal secul VI e je la lôr conversion al cristianisim, par opare prin di dut disant Colomban.
La regjon de Alemanie al cjapave dentri un numar di distrets diferents, che a rifletevin la lôr divierse composizion etniche: la diocesi di Strasburc, il teritori diAugsburg, la diocesi diMainz eBasilee. Vuê i dissendents dai Alemans a son dividûts in cuatri stâts diferents: France (Alsazie), Gjermanie (Svabie e part de Baviere), Svuizare e Austrie, regjons caraterizadis di dialets, derivâts dal todesc aleman che si distinguin dal todesc fevelât inaltrò.
