Zeus (engriegu antiguu ΖεύςZeús) es el dios supremu dela mitología griega. Definíu por Hesiodo comuel pairi delos diosis i los ombris[1], es el soberanu supremu de tolos diosis. Era el dios del cielu i el truenu. Los sus atributus encluin el rayu, el águila, el toru i el robli.
Es iju de Cronu i Rea, i alogu, según la huerça las versionis, estuvu casau con Hera. Es conociu polas sus numerosas aventuras i amantis, frutu delas cualis tuvun nacencia deidadis i érois, a encluil Atenea, Apolu i Artemisa, Hermes, Perséfone, Dionisu, Perseu, Heracles, Helena, Minos i las Musas. Con Hera sueli dizil-si que hue pairi de Ares, Hebe i Hefestu.
