Salomon[1] —hebreeraz:שְׁלֹמֹה, Shlomoh;arabieraz:سُليمان, Sulaymān;grezieraz:Σολομών, Solomōn;latinez:Salomon) edoJedidas (hebreeraz:יְדִידְיָהּ, Yedidyah;Itun Zaharrean aipatzen den lez— (K.a. ~970-931)Israelgo antzinateko erresumako hirugarren erregea izan zen,Daviden semea, eta erresuma txikiagoetan banatu aurreko azkena (Judeako Erresuma barne).
Errege horri buruzko berriek jatorri mitologikoa dute batik bat.Jerusalemgo tenpluaren eraikuntza egozten zaio eta antzinateko gizon jakintsu eta aberatsenetako bat omen zen.Bibliak lurrean sekula izan den gizonik jakintsuena dela aitortzen du. Salomoni bi idazlan egozten zaizkio,Esaera zaharren liburua etaKantarik ederrena.
Euskal mitologian, Ehiztari galduaren, edo horietako baten izena da.
Kristauen liburu sakratua Salomoni buruzko iturri nagusietako bat da; Itun Zaharrak hari buruz dioena biltzen da ondoren.
David Israelgo erregearen etaBetsaberen bigarren semea izan zen. Davidek Betsaberekin ezkontzearren haren aurreko senar Urias hitita gudara bidali zuen, bertan hil zedin eta Betsabe alargundu. Natan igarleak, haren bekatuaren ordainetan, Jainkoak Davidek bere lehen semea hil zezan agindu zuela esan zion erregeari.2 Sm 12:14; Jainkoaren arerioen biraoa sustatu zenuen: lit. Jainkoaren etsaiak ikaragarri iraindu dituzu. Aste oso bat jan gabe eta otoitzean igaro ostean, Davidek bere semea hil zela jakin zuen eta Betsaberen atsekabea lausotu, laster izan zen berriz haurdun eta Salomonez erdi zen.
 Zuhaitz genealogikoa |
|---|
|
- ↑Euskaltzaindia. 177. araua: Antzinateko pertsona-izenak eta izen mitologikoak (III). Bibliako pertsona-izenak..
