| Murueta | |||||||||||
|---|---|---|---|---|---|---|---|---|---|---|---|
 Bizkaia,Euskal Herria | |||||||||||
 Murueta,Gautegiz-Arteagatik ikusia. | |||||||||||
| |||||||||||
| Administrazioa | |||||||||||
| Estatua | Espainia | ||||||||||
| Erkidegoa | Euskal Autonomia Erkidegoa | ||||||||||
| Lurraldea | Bizkaia | ||||||||||
| Eskualdea | Busturialdea | ||||||||||
| Izen ofiziala |  Murueta | ||||||||||
| Alkatea | Julen Karrion Lamikiz (EAJ-PNV) | ||||||||||
| Posta kodea | 48394 | ||||||||||
| INE kodea | 48908 | ||||||||||
| Herritarra | muruetar | ||||||||||
| Kokapena | |||||||||||
| Koordenatuak | 43°21′10″N2°40′50″W / 43.352777777778°N 2.6805555555556°W /43.352777777778; -2.6805555555556 | ||||||||||
 | |||||||||||
| Azalera | 6,1 km² | ||||||||||
| Garaiera | 5 metro | ||||||||||
| Distantzia | 25,5 kmBilbora | ||||||||||
| Demografia | |||||||||||
| Biztanleria | 322(2024) −15 (2023) | ||||||||||
| |||||||||||
| Dentsitatea | 52,79 bizt/km² | ||||||||||
| Hazkundea (2003-2013)[1] |  % 17,8 | ||||||||||
| Zahartze tasa[1] | % 17,47 | ||||||||||
| Ugalkortasun tasa[1] | ‰ 68,49 | ||||||||||
| Ekonomia | |||||||||||
| Jarduera tasa[1] | % 83,33(2011) | ||||||||||
| Genero desoreka[1] | % 2,61(2011) | ||||||||||
| Langabezia erregistratua[1] | % 8,18(2013) | ||||||||||
| Euskara | |||||||||||
| Euskaldunak[2] | % 80.92 + % 6.91 hartzaile(2021) | ||||||||||
| Kaleko erabilera[3] | % (2021) | ||||||||||
| Etxeko erabilera[4] | % 63.16 (2021) | ||||||||||
| Datu gehigarriak | |||||||||||
| Webgunea | http://www.murueta.es | ||||||||||
MuruetaBizkaiko iparraldekoudalerri bat da,Busturialdea eskualdekoa. 298 biztanle zituen 2016. urtean.1967an herri independente izateari utzi zion,Gernikak anexionatu zuelako;1987an independentzia berreskuratu zuen berriro ere.
MuruetaOka ibaiaren mendebaldean kokatzen daUrdaibaiko erretserba naturalaren baitan. Muruetako erliebea aldakorra da. Batetik, itsasadarraren ondoko padura eta gune lauak, eta bestetik, mendebaldean dauden mendiak. Zenbat eta mendebalderago, maldak orduan eta handiagoak dira.
Muruetaren herri mugakideak honakoak dira:Busturia etaGautegiz-Arteaga, iparraldean;Forua, hegoaldean;Gautegiz-Arteaga, ekialdean;Busturia etaErrigoiti, mendebaldean. Ekialdeko muga naturalaOka ibaia da.
Nekazaritza izan da beti Muruetaren jarduera ekonomiko nagusia. Dena den, herriaren izena daraman Muruetako ontziola "Astilleros de Murueta S.A." enpresak garrantzi handia dauka.1943an sortua, 170 ontzi baino gehiago eraiki ditu historian zehar. Itsasoraturiko lehen itsasontzia "Punta Begoña" izan zen.
Urteak aurrera joan ahala, eta merkatuaren beharrizanak direla eta, karga ontziak eraikitzeaz gain,Bermeorako etaEuskal Herriko osorako atunontziak eraikitzen dituzte. Ontzietako batzuk 130 metroko luzera ere badute.
2004anEspainiako gobernuakSestaokoLa Naval ontziola publikoa pribatizatu zuenean, Astilleros Murueta eta Ingelectric euskal enpresa-taldeak La Navalen akziodun nagusi bilakatu ziren etaEuskal Herriko ontziolarik handiena sortu zuten.
| Muruetako biztanleria |
|---|
 |
1970etik 1981era arteko daturik ez dago,Gernikak1967an Murueta anexionatu zuelako.
Muruetako Alkatea, Julen Karrion Lamikiz (EAJ-PNV) Euskal Herriko Alkate gazteena da.
| Alderdi politikoa | 2019 | 2015 | 2011 | 2007 | 2003 | 1999 | 1995 | |||||||
|---|---|---|---|---|---|---|---|---|---|---|---|---|---|---|
| Botuak % | Zinegotziak | Botuak % | Zinegotziak | Botuak % | Zinegotziak | Botuak % | Zinegotziak | Botuak % | Zinegotziak | Botuak % | Zinegotziak | Botuak % | Zinegotziak | |
| Euzko Alderdi Jeltzalea (EAJ-PNV) | 52,70 | 4 | 27,85 | 2 | 20,07 | 1 | 23,85 | 1 | 12,37 | 0 | 22,84 | 1 | 38,99 | 1 |
| Murueta Independiente Taldea (MIT) | 47,30 | 3 | 67,58 | 5 | 75,77 | 6 | 74,77 | 6 | 79,09 | 5 | 73,46 | 4 | 56,06 | 4 |
| Alderdi Popularra (PP) | - | - | - | - | 0,88 | 0 | 0,92 | 0 | 1,55 | 0 | - | - | - | - |
Muruetako euskarabizkaieraren aldaera bat da, tarteko hizkeran[5] kokatzen denBusturialdeko euskara[6][7] hain zuzen. Herriko euskaldun kopurua %82.56 da, eta euskararen erabilera %61.
MuruetaBilbo etaBermeo artekoEuskotrenen lineak zeharkatzen du. Urdaibaiko linea bi zatitan eraiki zen. Lehenik,Zornotza etaSukarrieta arteko tartea,1893an inauguratua. Eta azkenik,Bermeorainoko trenbidea,1956an.2006. urtean trenaBermeora lehen aldiz heldu zela 50 urte bete zirenean, antzinako lurrun-tren batek ibilbide turiskoak egin zituen trenbidean.
Trenaz gain,BizkaibusenBilbo etaBermeo arteko A3515 lineak geltokiak dauzka Murueta udalerrian.
Muruetako jaiakabuztuko lehen astean ospatzen dira. Horrez gain, honako egunetan azokak eta jaiak antolatzen dira:
.jpg)
 | Euskarazko Wikipedian bada atari bat, gai hau duena: Euskal Herriko Wikiatlasa |
Datuak:Q922926
Multimedia:Murueta /Q922926
Liburuak:Euskal Herriko bidaia-gida/Herriz herri/Murueta | ||
